引用:

原帖由 suewong 於 2010-8-9 18:11 發表


很喜歡黃兄的描述。淡淡中有不盡之意，不煽情，但使人深思。 x100。

阿sue過獎，慚愧！

引用:

原帖由 suewong 於 2010-8-9 18:22 發表


佢同先母氣質相近，不過亞媽不抽香煙。

難奇怪你謙和而豪爽，甚有人緣。

引用:

原帖由 rqrj 於 2010-8-10 02:37 發表
又注意到D無謂野,
那打素醫院畢業, 接生x看護,
看護可以掛牌接生!

rqrj兄，一個酸梅兩個核，今時唔同往日。
呢張相片係65年前所攝，那時唔係咁容易有醫生接生㗎!呢間留產所在當時已經係非常之正規，完全合法㗎。
香港戰前戰後都好多呢類留產所，多數由乜乜姑、物物姑主理，佢地經驗豐富，出錯機會唔係咁高。
後來醫院多左、醫生亦多左，呢類既留產所至漸被淘汰。

[ 本帖最後由 dw194711 於 2010-8-11 12:18 編輯 ]

老何，點解粒聲唔出?成日同美人五湖泛舟，撐船撐到手軟?

全部圖片乃香港寶藏,沒有從前就沒有今天.認真精彩.many many thanks.

引用:

原帖由 dw194711 於 2010-8-10 16:43 發表
老何，點解粒聲唔出?成日同美人五湖泛舟，撐船撐到手軟?

ng係ng up, 睇多d才up。

講件事你聽, 老何早茶喜懷舊, 時往牛池湾村內地�螃伈酷}, 上週在一地�螃�, 鄰�^有老夫婦談及住在打鼓嶺道75號,
成個定哂聽, 講緊對面棺材鋪, 我冇答咀, 想聽多d先, 才邀談, 點知二老轉話題, 不久埋單走人, 冇理由截住叫人家停步丫馬！
ne幾朝, 都去那地�螃伂戊o二老出現, 若有下文即話你知。
75號是否賣油,酒, 調味料那間呢？or係金華染料呢？

引用:

原帖由 dw194711 於 2010-8-10 16:14 發表


難奇怪你謙和而豪爽，甚有人緣。

Thank you very much, u are welcomed.

引用:

原帖由 老何 於 2010-8-10 19:03 發表


ng係ng up, 睇多d才up。

講件事你聽, 老何早茶喜懷舊, 時往牛池湾村內地�螃伈酷}, 上週在一地�螃�, 鄰�^有老夫婦談及住在打鼓嶺道75號,
成個定哂聽, 講緊對面棺材鋪, 我冇答咀, 想聽多d先, 才邀談, 點 ...

睇雜誌介紹過，凍 d 帶我去丫。

黃兄，如果冬天回港，有無興趣 ？

當年香肉檔?

引用:

原帖由 老何 於 2010-8-10 19:03 發表


ng係ng up, 睇多d才up。

講件事你聽, 老何早茶喜懷舊, 時往牛池湾村內地�螃伈酷}, 上週在一地�螃�, 鄰䒷有老夫婦談及住在打鼓嶺道75號,
成個定哂聽, 講緊對面棺材鋪, 我冇答咀, 想聽多d先, 才邀談, 點 ...

多謝老大！ 睇完最緊要俾D高見。
下次如果遇見他們，搵機會同佢哋爹下，知道多D舊址故事都好，
信和醬園係77號，顏料舖好似係隔籬再隔籬（73號），75號記得好似係住家，粥檔九嬸（即你說的官嫂）就住果處，朝早就在門口開檔。記得係咁樣，你又參詳下。
你住幾號?

我住在纸紮舖泰昌丫麻, 官嫂同情心冇得頂
介新洗衣搬左去彩虹�h, 現己摺左

引用:

原帖由 suewong 於 2010-8-10 22:09 發表


睇雜誌介紹過，凍 d 帶我去丫。

黃兄，如果冬天回港，有無興趣 ？

當然有啦！但歸期暫未能定，可能要明春才行。

引用:

原帖由 comm 於 2010-8-11 00:29 發表
當年香肉檔?
1

真係好難講，係都唔奇架。
廣東佬最鍾意呢味嘢。九肉滾三滾， ...

引用:

原帖由 老何 於 2010-8-11 13:18 發表
我住在纸紮舖泰昌丫麻, 官嫂同情心冇得頂
介新洗衣搬左去彩虹鸷, 現己摺左

官嫂D白粥好足料，好正；下午她又賣紅、綠豆沙。我家係佢長期顧客。眨眼又幾十年...
想問你好耐，城南道尾近賈炳達道，晚上有一個地攤書檔，時維60、61年我經常去打書釘，神鵰（一回一本的小冊子，時仍在明報連載）、武俠與歷史...
一睇就幾乎成個鐘頭，檔主都冇趕我呢個細路走，真係好難得。老大你可記得呢個書檔?我估你會記得。
當時九龍城賣呢類書（武俠、歷史、古典文學及小說、雜書...)的地方幾乎絕無僅有，除了此處，另一處就是龍城戲院旁的一個書檔，以出租武俠小說為主，但不能打書釘。

戰後港島（三）




                               西環後街一景，曬衣竹與店舖招牌縱橫交錯

理兄如方便的話，這圖與下圖最好請你補充說明一下，知閣下最熟此區。謝謝！





                          西環店舖騎樓上裝有鐵圍欄，樓下路邊擺滿農產品
　　
這排唐樓舖是人煙稠密華人區的縮影。店主一般前舖後居，或住在樓上，再上層的房間多分租予外來租客。照片中的唐樓雖然擠迫破舊，但從外型和騎樓樣式看來，似為較高尚的住宅。





                    皇后像廣場兩側是皇后行(左)及和平紀念碑後的香港會(右)
　　
廣場戰時遭破壞，圍欄被盜，但英國與日本是一次大戰盟國，故紀念碑得以保存。碑前有一海軍路過，巡洋艦頭隱約可見。






                         夕陽斜照香港會，正好把酒言歡，門前只有兩人經過
　　
意大利風格的香港會立於光影下。這兒是旅港英人的主要社交場地，也接待少數富裕歐人，華人和女士免問。會所戰時未被破壞，但此時熱鬧不再，顯得冷清落寞。這座優美建築物於1897 年落成， 1981 年拆卸。






                                  筲箕灣愛秩序灣後，一艘漁船駛過鯉魚門
　　
右方隱約可見的鯉魚門是海港東面入口，旁為設有海防砲台的炮台山。鯉魚門最窄處僅500米，風高浪急時海流洶湧，船隻不易強渡。1941年12 月猛烈砲轟日軍登陸據點，令四周山嶺一片荒禿。（此與下圖若有謬誤，請杜兄不吝指正）







                              海港尚未大規模填海，仍可見筲箕灣一帶的淺灘
　
筲箕灣愛秩序灣全景。維港中部是深水良港，但填海後海岸線現已面目全非，實難想像以往泥灘連綿。筲箕灣當時仍是小漁村，社群關係緊密，居民儉樸，與僅8公裡外的中環仿如兩個世界。時謠有："英雄被困筲箕灣，不知何日到中環?"之嘆。





             從半山俯瞰維多利亞港西面

對岸西九龍及新界尚未發展，極少樓房。
遠處高山為大帽山。





1946年從渣甸山下段向下望, 兩邊可串連成U 型山路是大坑道, 白塔處是胡文虎（即虎豹別墅），白塔左邊背後可見福群道一帶數層高的高尚住宅區, 昔日粵劇名伶薜覺先定居於這�堛� 「 覺廬」, 已故粵劇名編劇家唐滌生也曾居於此。 原日覺廬已於1970年代拆卸重建。右邊可見大坑半山的梯田遺跡, 那時蓮花宮村木屋區仍未形成.





1946年渣甸山上段的梯田, 山頭可見四十年代初日軍攻打黃泥涌峽時的炮火燒山遺跡, 山谷下可見跑馬地


[ 本帖最後由 dw194711 於 2010-8-12 15:33 編輯 ]

虎塔這麼有特色的建築只長留人們腦海

引用:

原帖由 dw194711 於 2010-8-11 14:24 發表


官嫂D白粥好足料，好正；下午她又賣紅、綠豆沙。我家係佢長期顧客。眨眼又幾十年...
想問你好耐，城南道尾近賈炳達道，晚上有一個地攤書檔，時維60、61年我經常去打書釘，
神鵰（一回一本的小冊子，時仍在明報 ...

記得記得！不過我冇打書釘, 但在亞伯處二毛買左本書, 內地出版教人點做礦石收音機的。
照辦�鼰J, 居然收到港台, 開心到暈。
打書釘, 獅子石道國際百貨過幾間鋪, 華南電影業工人工會樓下間左派書局, 任打ng lau, 但你乖仔, 冇通街走到咁遠了！
家在泰昌後閣, 前閣文姓�茪�阿叔睇明報, 我自然睇報纸尾,追射雕lar！
而一回一本, 偉晴出版的,e+香港炒到過萬一本, 你有冇存貨！
講番官嫂, 諗起在日還未出, 天寒地凍上學去, 她見我眼望望, 便知我冇錢, 總會叫我自己「匹」碗豬骨粥, 現還感動到眼濕濕。

引用:

原帖由 老何 於 2010-8-12 19:39 發表


家在泰昌後閣, 前閣文姓�茪�阿叔睇明報, 我自然睇報纸尾,追射雕lar！...

咁有文化。

引用:

原帖由 老何 於 2010-8-12 19:39 發表


記得記得！不過我冇打書釘, 但在亞伯處二毛買左本書, 內地出版教人點做礦石收音機的。
照辦ｎ碗, 居然收到港台, 開心到暈。
打書釘, 獅子石道國際百貨過幾間鋪, 華南電影業工人工會樓下間左派書局, 任打ng lau, 但你乖仔, 冇通街走到咁遠了！
家在泰昌後閣, 前閣文姓ṃ牛阿叔睇明報, 我自然睇報纸尾,追射雕lar！
而一回一本, 偉晴出版的,e+香港炒到過萬一本, 你有冇存貨！
講番官嫂, 諗起在日還未出, 天寒地凍上學去, 她見我眼望望, 便知我冇錢, 總會叫我自己「匹」碗豬骨粥, 現還感動到眼濕濕。

其實我小三開始已經通街走，只是冇同D人埋堆而已。果間左派書局好似係後來的7記?然否?
老何你記錯抑或打錯? 明報連載的是神鵰而非射鵰，連載射鵰的是商報。
D存貨已丟掉幾十年，早知keep住啦。都有成二十多本架。偉晴出版至係正版，D插圖一流，係雲君所繪。
官嫂認真難得，受恩思漂母，君亦性情人。
呢排忙，遲覆為歉。

有人說這條街應該是中環歌賦街，但我不能肯定，
印像中這條街以往真係好多印刷舖和文具舖，
但現在已轉型為另一蘇豪區，全部都係食肆和精品店，
再無一點往日的痕跡。

[ 本帖最後由 理魯竇 於 2010-8-21 13:10 編輯 ]

引用:

原帖由 理魯竇 於 2010-8-20 23:44 發表
有人說這條街應該是中環歌賦街，但我不能肯定，
印像中這條街以往真係好多印刷舖和文具舖，
但現在已轉型為另一蘇豪區，全部都係食肆和精品店，
再無一點往日的痕跡。

我亦是存疑，所以要理兄鑑定一下。
Anyway,thanks a lot!

老香港陳永鉞先生（從事香港郵政工作數十年）從加寄函憶述46、47當年的一些情況：


本人在1946年間，跟隨先父從星架坡返港。當時之東南亞運輸環境，只有海上通行。我當時藉著良機，乘趁著爪哇輪船公司旗下之萬福士號，五天航程返抵香港。至於航空商務運作，還未完整成立服務。只有英國軍用機來來往往，才可通行，一切只待將來，如期服務。我還記得，九龍市區內之巴士服務，還未完成整體行走市區之需要。當時巴士公司只租用大貨車，代替服務，凡到站時，乘客們從後面之上落貨物之大缺口跳上跳下，才完成乘客們之乘趁服務。如此惡劣環境之下，只有數月時光，立刻消逝，可惜當時之相片菲林，很難找著，否則拍一幅以留紀念。直至1947年夏季，才開始作暢流彌敦大道之巴士服務，為市民帶來方便之感是也。                                                        在1947年間，當時國內還未作出兩黨大戰，當時只是在政治上大家攜手向國人交待政治立場，表演一番。當時美國加入，可謂當時之三人小組，兩黨代表兼美國代表，巡視國內一番，直至1948年，形勢不同，當時很多國內政治人物，從香港北上，先談政治，後來覺得長居北方為穩健，結果成為永不南返的孤雁。當時的政治人物，有邵力子和顏惠慶兩位，還有很多當時之政治人物，先作在港居留，再作觀望之政治局勢，有些政治人物，離港前往外國，當時之中國政治立場很混濁，在國共兩黨之間，那處才是長居棲身之所？當時香港是個政治微妙的地方，當時國內之政治人物，先到香港，只作政治風雨躲避之所。當時身分證還未推行，而人民入境事務處還未成立，只有東方行內之警察總部處理回港証(Re-Entry                         Permit)。至於灣仔大佛口之警察總部還未搬遷到那處辦公，亦未完成建立。

人物風情（三）



                                                          賣甘蔗的女孩




                                                              捕魚為生





                                                        漁戶在修補魚網

鏡頭前可看到蛋殼，還有竹簍、瓦罐等...他們只用蛋白，蛋黃則交到酒樓茶室等地方




                                             雜貨店內，工人正在加工或包裝




                                 劫後餘生的露宿者，孑然一身，已無片瓦可棲

[ 本帖最後由 dw194711 於 2010-8-22 12:40 編輯 ]

引用:

原帖由 Anti-air-gunner 於 2010-8-22 16:42 發表


巴士公司租用大貨車

So much thanks for the valuable pictures.