引用:

原帖由 27man 於 2011-1-24 02:37 發表
j j 妙筆生花請繼續.........

一於你話事!

在下對 5" 炮塔著墨較多,主要原因係覺得人地做野真係好認真,分工明細,唔會有我地而家好多人做事既心態 ------- 搞掂算數.這個說話其實就係馬虎既代名詞,我個人就一直對此都好反感,不過果 d 都係題外話,只係想交代下點解會响隻 5" 炮塔上噴咁多口水.

蘇利雲號驅逐艦上面既 5" 艦炮係使用既炮彈係分拆式彈藥,即係彈頭同推動藥二者係分開放入炮膛內才發射.因此在炮塔下面既彈藥庫內,彈頭同推動藥就分開擺放,負責運送彈藥上炮塔既士兵係分成兩組,分別用不同的運輸槽把彈頭和推動藥送上炮塔.

下面可以見到彈藥庫入面放有彈頭同金黃色既銅質弾殼 (即係推動藥) ,我估佢而家只係一個 demo ,所以就會見到彈頭同推動藥同放一起既場面,事實上係唔可以既,因為彈頭同推動藥係由不同位置既運輸槽送上上面大炮既兩側,由上面不同工種既士兵接收,所以冇可能二者混放.

而圖片有個灰色既金屬斜 box ,標叔叔話佢估果個 box 係 fuse setter ,我都同意佢老人家呢個 point ,不過我覺得呢個野應該係用黎運送彈頭既,因為運送推動藥既係上面介紹過既垂直運輸槽,而圖片入面既 box 斜插住一個彈殼,相信係博物館既工友放錯.







如果工友冇錯就係我錯.

講埋 5" 炮塔入面做野班大哥先.上面提過有塔長同炮長兩位大佬,跟住既就有三個負責瞄準目標既仁兄,分別係第一個叫做 pointer ,負責控制火炮垂直俯仰角度同埋手動開炮,,第二個叫 trainer ,負責控制炮塔水平轉動,第三個叫 sight setter ,係控制火炮對準目標.

下面係蘇利雲號上面一個 sight setter ,唔好問我點用,因為我唔識!




之後重有 fuze setter ,係負責幫彈頭調校信管起爆時間.另外有彈頭兵 projectile man 同 推動藥兵 powder man ,分別負責接收由下面送上黎既彈頭同彈藥.咁每次打完炮都會淨低個空報,就由一個執殼兵 hot case man 負責清理.最後重有個亞哥叫做睇水兵 check sight ,佢係負責睇住條炮有冇依然對準目標.

上面班友仔全部既動作都係聽從塔長既指示做野,如果有過程出錯就由炮長叫停.好比每次打完一炮之後,當執殼兵清左個空殼之後,就會用高壓空氣吹入炮管,主要係將入面殘留既金屬碎屑吹走保証炮管暢通,如果冇風出或者係果條友唔記得,炮長就即刻上去嗌停兼且鬧人勒.

蘇利雲號出廠時本來有 6 套深水彈投射器 K Gun 同艦尾兩條自由滑落深水彈路軌,不過在二戰後改裝時,就只剩下艦尾右側的一條路軌.

下面是現時的深水彈同投放路軌.

路軌上的是 Mk-VII 式深水彈,左面黑口黑面既係 Mk-IX 式深水彈.

9 號仔.

我上面講呢個係 7 號仔,不過標叔叔話係 6 號仔,咁當然係老人家岩啦!

6 號仔上面既起爆時間掣.

我地之前曾經討論過蘇利雲號上面本來係有 6 套用黎發射深水彈既野叫做 K gun,不過因為响改裝後取消左,因此而家上船都唔會見到呢隻 K gun .或者而家稍為介紹下呢個 K gun 究竟係乜傢伙.

K gun 外型有 d 似英文字母 K ,所以就俾人叫佢做 K gun .其實佢似一個有著兩條長短腳既 Y 字多 d ,長個條係炮筒,深水彈首先綁左响一個有支柄既 U 型兜上面,再將條柄插入炮筒入便.而 K gun 另一支短筒其實係一個炮筒膛蓋,打開佢放入一個起爆炸藥再鎖好膛蓋,再用人手打繩擊發炸藥,於是深水彈就連埋個兜成份彈出船外直插海底.

另一種反潛火器就是 "箭豬彈 Hedgehog" ,分兩組安裝在艦橋下面,每組有 6 排,每排 4 個.

箭豬彈有個裝有 30 磅炸藥的彈頭,後面有支空心長管,里面裝有推進火藥.將箭豬彈插在發射器底架上面一支空心管上,射手可以用機械方式或者是電動方式啟動底架空心管內的撞針,撞針擊發彈體的推動火藥而把彈體彈射出去.

箭豬彈和深水彈不同,是利用撞擊方式引爆彈藥. 24 個箭豬彈可以在 3 秒鐘內全部發射,在海面形成一個 120' x 140' 的橢圓形彈幕下沉,在碰到潛艇船身時引爆.

箭豬彈箱.

蘇利雲號在改裝之前是有兩組一字橫排 5 支的魚雷發射管,改裝後就換上了兩組 3 支品字型的魚雷管.

魚雷管是 Mk-32 式,發射的魚雷是 Mk-44 式.

睇完晒主要艦載火器之後,睇睇蘇利雲號條主桅.

煙通上白底綠花圖案是蘇利雲號的艦徽.

為艦炮提供目標方位數據的火控雷達 (gun director).

雷達.

這個小東西是一個反聲納魚雷的餌雷 Acoustic Torpedo Decoy.

圖中有兩個線轆的是一個香港物流界稱為 "煙紙" 的東西,正式名稱是 Winch / 絞車,就是動力轉盤,可以把卷在轉盤內的威哋收放.而這套煙紙是用來把反聲納餌雷拖放在艦尾遠處,餌雷會發出巨大聲音,藉此吸引當時德國潛艇發出的聲導魚雷,戰艦就可得保安全又可發現德國潛艇.