引用:
原帖由 鋼 於 2007-7-27 14:02 發表
想問下, 真係有用是什麼意思 :
1. 防脫髮
2. 頭髮增生
3. 防脫髮 及 頭髮增生
對我嚟講係3.....不過正如好多人講...唔可以停服...一停即時再甩....但對我嚟講...例如停兩個星期...甩多咗...再食返...咁好快就生返....(但要見效...真係起碼食半年...我有數住每日起身時枕頭上面的頭髮數目...食虊後兩個星期內甩在枕頭上的數目大幅減少...由30幾減至10..有時仲係10之內...但係你要明顯地生返出嚟...就要至少3個月自己先會覺得...一開始你會見到多咗d毛毛....約半年至九個月後...差唔多可以話係最明顯改善...而keep住食就會keep住改善.....
不過缺點係...貴...
所以我一年半前改食保列治...成份同保康絲一樣...只係劑量更大 係保康絲的5倍...一盒30粒...上一次買就420/盒 一粒如果你可以切開5粒食的話 一盒就可以食成5個月...比食保康絲平好多....(記得一定要切...但我自己因為貪方便..只係切成4份...至於點解 你買咗見到佢粒藥的形狀就會明白...切5均等份係好難的)
之前有人講過....切開咗之後藥物會好快氧化 因而影響藥效...我自己(無計...因為食保康絲真係幾貴...十幾蚊/日)改食咗一年以上...基本上效果同保康絲無分別...而且因為平好多..所以唔需要話因為要慳錢所以故意每個月停一個星期..效果可能反而因為咁而更好tim....
另 唔知有無關係...我自己覺得一半半啦...因為我信西醫多d...不過我阿媽每星期有煲一次何首烏俾我飲...加上西藥...平來我甩得好勁...差唔多一個4cm直俓的地方無頭髮(唔係所謂鬼剃頭 係雄性秃)...e+當然唔會密返晒...但係只係好似陳豪咁囉....前額應該仲無佢咁m tim....