其實這段時期的粵語片都有很多值得欣賞的地方架！！ 好可惜，正所謂大勢氣候已成亦不能逆轉，粵語長片最終是息微了 …

這是大勢所趨，也是沒有辦法的事。

引用:

原帖由 tangkennis 於 2008-8-18 20:11 發表
1969年的電影【雙鎗沙膽標】，江雪姐少有演出的一部彩色片吧，除了一個靚字，我都再無乜野好寫了



…  就此晚安！！


http://i20.photobucke ...

我記得呢part係江雪唱"張生驚艷"俾四哥聽
不過有個疑問, 佢係用邊種語言唱架?好似廣東話又好似唔係
以前睇大戲, 有d戲目又係咁

引用:

原帖由 sfyung 於 2008-9-13 12:00 發表

我記得呢part係江雪唱"張生驚艷"俾四哥聽
不過有個疑問, 佢係用邊種語言唱架?好似廣東話又好似唔係
以前睇大戲, 有d戲目又係咁

sfyung 君記憶力果然驚人，我自己睇完隻 DVD 都冇維意隻歌叫《張生驚豔》，一個字曰勁 ！！

呢場戲係講呢位「十三少」謝賢約咗阿「琵琶娟」江雪姐上酒樓唱曲。阿江雪姐就在戲中自已揀了這隻《張生驚豔》「唱出」，我唔敢講阿江雪姐唔識唱曲，不過在戲中似是有人幕後代唱呢。







嗱、嗱、嗱，由女方自動唱出這種「含情挑逗而兼有豔詞」的歌，實則係話畀阿「十三少」聽，我都「對你有意思」！！以前的戲的表達方式是含蓄兼有韻味，唔同而家果D，一係踫面後就連隨玩「埋身肉搏」，一係就玩疏離大講廢話都唔知佢嗡乜 ！！




[ 本帖最後由 tangkennis 於 2008-9-13 21:23 編輯 ]

小弟對曲藝這一門學問並無認識，戲中「十三少」話同意用平喉獻唱，類似是梁無相或徐柳仙的。至於唱法我就更加唔識，聽來就像是粵腔和京腔互相夾雜。







好似呢一句咁，除了那四字「三生有幸」用國語唱出之外，餘字皆用廣東話唱出。望有認識曲藝的版友指教一下了。

片未阿「琵琶娟」又上茶居唱曲，係全實景拍攝，唔知有冇版友認得是那處湮沒了的茶樓呢？





大家留意看一下柱上貼的碟頭飯麵的價錢… 1969 年一碟牛腩飯是個半銀錢，今時今日唔知要幾多錢了 …

其實我都認不到這間茶樓。 首先呢間茶樓應有歌星駐場唱歌喎！！見有「繞樑三日」錦旗掛於其中，還有一個小舞台可供演奏呢。以前阿媽只係帶過我去一些新式酒樓，純粹飲茶，冇人唱歌個喎！！

現貼多幾張相希望有版友認得出喇。

樓頂裝有吊扇，乃當時茶居特色了。木枱櫈椅，玻璃枱面，標準設備已！話時話，今時今日仲有冇餐廳用玻璃枱面呢？

在茶廳中有幾條一個人都攬吾哂的大石柱，此亦舊式茶居特式也。

左首邊有扶手樓梯，亦見下吊光管；右首見樓面櫃檯，夠古舊。


唔知有冇版友再認得出呢？

唐古詩有云《海內存知已，天涯若比鄰》，適逢今夕中秋佳節 ，



雖身懸海外，小弟亦祝各位中秋節快樂  ！！

上過 youtube 略略搜索，發覺好像未有人貼上 《雙槍沙膽標》 的 movie clip (可能已被移除都未定喎！) ；見版友可能都有興趣重溫一下這段 《張生驚豔》，故而大費周章了幾天終於成功截了一段〝視頻〞 (唔係講笑，對於此種上傳下載之功夫，的確不太懂呵 )，剛剛放在 … 不是 youtube 而是 youku ！由「琵琶娟」江雪姐應約上酒樓唱曲，初頭唔制後尾見到「十三少」謝賢之後，o答哂糖又肯制 ！！至到唱罷《張生驚豔》為此，約四分鐘原汁原味全無刪剪 ！！ (不多久我想亦會將它移除的)  ... 無謂再多講，去片！

http://v.youku.com/v_show/id_XNDM1Nzk5NDA=.html

[ 本帖最後由 tangkennis 於 2008-9-21 13:16 編輯 ]

有些茶餐廳都有玻璃枱面，通常都喜歡將菜牌放在裡面給客人看。

聽過「張三驚艷」，應該是梁無相代唱的，是以粵曲夾雜京腔而唱出。

[ 本帖最後由 wai1960 於 2008-9-21 02:09 編輯 ]

把聲o吾似係梁無相，
梁無相好似係50年代尾嫁人移居英倫。

睇番hkfa提供既資料
係直接話係江雪主唱, 冇註明代唱係邊個

http://ipac.hkfa.lcsd.gov.hk/ipac20/ipac.jsp?session=12Q1119C7Q915.1323&profile=hkfa&uri=full=3100024@!4728@!3&ri=1&aspect=basic_search&menu=search&source=192.168.110.61@!horizon&ipp=20&staffonly=&&aspect=basic_search&menu=search&ri=1

《雙槍沙膽標》插曲係hkfa有個獨立項目, 都係咁講
http://ipac.hkfa.lcsd.gov.hk/ipac20/ipac.jsp?session=R221B7691809U.8475&profile=hkfa&uri=full=3100024@!36133@!12&ri=6&aspect=basic_search&menu=search&source=192.168.110.61@!horizon&ipp=20&staffonly=&&aspect=basic_search&menu=search&ri=6

Anti-air-gunner 君所言甚是，這間茶居未必真有歌星駐唱。聽前輩講以前的茶樓真係有歌聽吖！其後新式茶樓興起，這種「聽歌飲茶」的玩意便息微了。不過古老當時興，而家好似又有番喎 ！！

咁不如小弟再截一段〝視頻〞，多顯示一些這間茶居的佈置，希望再有版友可以認它出來啦。亦順便播埋結局時「琵琶娟」江雪在茶居獻唱的《郎歸晚》，片段中有江雪回憶起與「十三少」謝賢相識與共之片段，以前有介紹過的一眾粵語片演員都可以見到哂呵！！去片！！

引用:

原帖由 sfyung 於 2008-9-21 13:57 發表
睇番hkfa提供既資料
係直接話係江雪主唱, 冇註明代唱係邊個

http://ipac.hkfa.lcsd.gov.hk/ipac20/ipac.jsp?session=12Q1119C7Q915.1323&profile=hkfa&uri=full=3100024@!4728@!3&ri=1&aspect=basic_search&menu ...

多謝 sfyung 君提供精確資料，厲害！

引用:

原帖由 wai1960 於 2008-9-21 02:03 發表
有些茶餐廳都有玻璃枱面，通常都喜歡將菜牌放在裡面給客人看。

聽過「張三驚艷」，應該是梁無相代唱的，是以粵曲夾雜京腔而唱出。

係吖，有些深水埗茶餐廳都有用玻璃枱面。

我初初都以為係梁無相唱「張生驚艷」，之後我去搵佢的歌來聽，覺得都唔係太似，片中的平喉比較嬌聲一點。Ali 君又話佢早早嫁咗去英國了…

片頭只是寫著 ：曲詞 羅寶生。可能是當時新錄音再唱都未定。現經sfyung 君的資料查明，相信是由江雪姐自已唱番的吧都話唔定喎 … 以前的明星，聲色藝俱全，唔興咪咀o架o麻 ... ！！

[ 本帖最後由 tangkennis 於 2008-9-21 20:16 編輯 ]

在港台第五台的記録中,找到一首"張生驚夢"
由蘇州女主唱,
播放日期是2006-12-10, 網上收聽只保留兩年,可惜聽不到,
不知是不是這一首張生驚艷

引用:

原帖由 tangkennis 於 2008-9-21 17:34 發表
Anti-air-gunner 君所言甚是，這間茶居未必真有歌星駐唱。聽前輩講以前的茶樓真係有歌聽吖！其後新式茶樓興起，這種「聽歌飲茶」的玩意便息微了。不過古老當時興，而家好似又有番喎 ！！

咁不 ...

又幾好聽、好睇喎
麥基想搞乜呢?

引用:

原帖由 fighterplane 於 2008-9-21 17:48 發表
在港台第五台的記録中,找到一首"張生驚夢"
由蘇州女主唱,
播放日期是2006-12-10, 網上收聽只保留兩年,可惜聽不到,
不知是不是這一首張生驚艷

希望有版友留有此錄音，畀吓我吔聽就好了！

引用:

原帖由 saddam1 於 2008-9-22 14:19 發表
又幾好聽、好睇喎
麥基想搞乜呢?

阿基哥麥基當然係奸o架啦！佢出賣謝賢背叛咗「阿標哥」，後尾謝賢江雪當然是走得甩啦！！

如果都喜歡睇這兩段戲聽這兩段曲的，恐怕都已經踏入了「建制年齡」喇   ！！而家D 後生仔女好少可會鐘意嘅 ！！

我喜歡這段《張生驚艷》多一點，正所謂以歌入戲、以曲入情，編劇和導演用一首歌去表達男女主角互相愛慕之情；江雪以男聲平喉唱出謝賢心底傾慕之心，你吔話幾咁有韻味呢 ！！以小弟領悟力之差都睇得明白喎 ！！最後呢兩句〝… 素口櫻脣如朱點，濃纖合度惹人憐…〞, 嘩、嘩、嘩，真係引來無限遐想呵！！！！！！

咪話小弟又試「抑新揚舊」，咁的確係好嘛！！而家個 D 吓吓玩男女主角獨白一大段，鏡頭前又大玩抽像疏離感，小弟見識淺，不懂欣賞了…

[ 本帖最後由 tangkennis 於 2008-9-23 19:35 編輯 ]