引用:

原帖由 mtpen 於 2012-7-13 14:19 發表


方兄講起匯豐洗黑錢, 證明天下烏鴉一樣黑!

但我堅信匯豐洗一蚊黑錢, 其他銀行洗十蚊。

而匯豐�鄍~國洗一蚊黑錢, 香港銀行已洗了十蚊。

好簡單�翵さ�, �酯� ...

絕對同意 筆保長的講法, 香港政府過去幾年的施政, 你話唔係官商勾結都冇人信. 我地普通市民換幾百元外幣, 又要有戶囗又要有身份証, 人地一袋袋人仔就唔須要來源証明. 須知道強國是有貨幣出口管制的. 又以自由行為例, 其中的最大受益者現在好凊楚, 不是香港市民, 不是那些小商戶亦不是那些國際名牌. 而主要是大地產商, 大業主和強國那些小生意人.(據小弟瞭解, 三,四成來港買名牌,貨物的人是用來送禮的, 而送禮乃是做生意手法的一種. 三,四成是做生意倒賣的, 其餘一,兩成是代人購買或自用的). 而那些大地產商和大業主賺得最多利益後, 經過專業會計師發揮專業作用, 其所須繳納的稅款, 亦即回餽社會的貢獻, 肯定不多於一成. 而他們所獲的暴利, 就是建基於小市民所面對的通貨澎漲, 生活質素的不斷下降之上. 而那些強國小生意人, 亦善用香港政府為他們所設的免費平台, 大賺三, 四成或更多的利潤. 可憐香港小市民衹能陪他們迫火車, 地鐵. 搶奶粉, 尿片,益力多等物資. 小弟覺得杳港政府應該收取 旅客出入境稅 (或城市建設稅, 好多外國國家都有), 以補賞香港政府聘請額外聘請人民入境事務處人員及香港市民生活質素下降之苦. 每次向出入境旅客徵收一百元或以上, 從而每年可為庫房多收一百億元以上. 這樣就可以解決很多民生問題如老人津貼或醫療保障等問題. 對於那些強國小生意人, 成本打大兩佰元簡直不是問題, 搶多兩罐奶粉就補番數喇


至於小弟昨晚提出匯豐洗黑錢被罰10 億美金的問題, 並非針對匯豐犯規的問題, 而是覺得杳港傳媒對這件事的冷待, 整個下午至晚上各大電子傳媒都沒有報導. 反而倫敦方面則有報導而股價亦曾跌 3%. (因小弟昨日於收市前 19010 call 左 幾十張期指, 止蝕為 18970, 打算在今朝強國公佈第二季 GDP 數據後平倉. 當時正研究須不須要沽黑期對沖而矣). 對於香港傳媒的選擇性報導, 和最近的香港傳媒似被幾個集團幕後操控, 攪到家無寧曰, 已超越民萃主義的層次, 現各傳媒報導似乎已失中立, 相互之間時而互相唱和, 時而互相攻擊, 似在盡力去為自己的幕後集團去爭取最犬利益多於為人民服務.

筆保長乃退休公務員, 對於 麥齊光的遭遇, 未知有何睇法, 對於有些三十年前的資科那麼快就可以被找到, 有乜啟示呢.

引用:

原帖由 rfong50/50 於 2012-7-13 16:57 發表

筆保長乃退休公務員, 對於 麥齊光的遭遇, 未知有何睇法, 對於有些三十年前的資科那麼快就可以被找到, 有乜啟示呢 ...

姓麥呢亭貪錢小人, 抵乜七佢死喇! 我大督筆現今63歲, 只大佢一歲。我53歲已識得返歸種花剪草, 請都唔做。金錢無限, 但人生有限, 但佢見錢開眼, 情願做到死果日。

嗱, 若果佢知所進退, 肯淡泊名利, 加上自知身有屎, 低調啲, 匿埋Croydon又或Kew Gardens揾層House两公婆得閒响花園飲吓下午茶, 鍾意咪打跛哂啲脚, 食到死都惦喇, 阿水算你咸豐年舊賑咩!

大督筆响港英政府時見得多呢亭屎囫鬼喇。佢一定唔敢大貪, 你一定賄賂唔到佢, 佢識得乜嘢係皇法, 跟肥龍條姓馮黐膠線有一定分別。

呢啲友只會吃裡扒裡, 滿腦子盤算在職位及權勢份內盡攞一分一毫着數。為香港為社會服務? 份內事就算, 其他慳啲喇!

平時返工首要目標唔係做好呢份工, 而係眼望四週, 耳聽八方, 務求汁都撈埋。佢但求小恩小惠, 專响身邊同事下屬以權謀私。對上ass licking, 托塔都得, 踩住人上。對下收o靚搞埋堆做幫主, 平時食晏一棚人, 食完拍下蘿柚冇人敢問阿Sir攞番, 借三幾十當冇碎銀, 之後扮蕭灑失憶唔記得還。

馬仔想升級? 無遮無扇, 神仙難變, 放工倍阿Sir打吓牌, 佢羸緊你唔准走, 你羸咗更唔准走, 即係焗輸, 明未? 不過水鬼升隍靠老細, 肯蝕抵好快紮!

30年前啲料容乜易查唧, 食緊皇家飯本file跟你一世, 直至揼咗釘先至燒, 那些年有否攞過housing, 一揭就知喇, 我一早叫咗佢咪四圍騰㗎啦!

至於話陰謀論, 你甘願匿埋Croydon又或Kew Gardens做nobody, 點陰你呀?
.

引用:

原帖由 rfong50/50 於 2012-7-13 16:57 發表

絕對同意 筆保長的講法, 香港政府過去幾年的施政, 你話唔係官商勾結都冇人信. 我地普通市民換幾百元外幣, 又要有戶囗又要有身份証, 人地一袋袋人仔就唔須要來源証明. 須知道強國是有貨幣出口管制的. 又以自由行為 ...

方兄對當今局勢瞭如指掌, 佩服!

香港乃自由港, 啲走私水客, 特府的確冇佢哋符, 故徵收出入境稅確實可收一石二鳥之效, 值得推行。

反而我唔明強國個policy點解會默許啲走私水客咁猖獗而乃然隻眼開隻眼閉。咁咪損害強國境內依法做生意之商店利益? 咁佢哋使鬼咁笨繳交入口稅賣貨呀? 仲有, 個個都去哂香港無限銀碼咁掃貨入境, 又或去買/賣走私水貨, 阿水會去強國境內店舖買嘢呀?

而你又信唔信強國海關睇唔出邊個走緊私吖嗱? 都係英明領袖毛主席年代好, 走私、套匯? 統統押去後欄即埸打靶。

我1972年, 即40年前已提早愛國, 冒住身為港英走狗之死罪, 潛行往廣州支援當地飲食業。我手戴精工, 已有鄉親叫我小心保管, 話就算我唔見咗自己, 都唔好唔見咗隻表。冇走雞格, 入境時响解放軍面前已自己要响本回鄉證寫明精工爛表一只。轉手賣俾人? 想死呀? 唔好話冇人會有錢買, 強國子民執到都唔敢戴喇, 咁揚想打靶呀?

有時我諗起強國某程度上, 家陣嘅法制比全球任何地方更自由開放, 起碼走私呢家嘢就姓馮喇!

引用:

原帖由 mtpen 於 2012-7-13 20:22 發表


姓麥呢亭貪錢小人, 抵乜七佢死喇! 我大督筆現今63歲, 只大佢一歲。我53歲已識得返歸種花剪草, 請都唔做。金錢無限, 但人生有限, 但佢見錢開眼, 情願做到死果日。

��, 若果佢知所進退, 肯淡泊名 ...

多謝 筆保長, 明白晒. 即係材料就有晌度(包括埋果封 Power of attoney), 爭在邊個人來取, 砌邊一個人和交俾邊班人去放而矣. 咁即係大把好戲在後頭喇!

引用:

原帖由 rfong50/50 於 2012-7-13 16:57 發表


絕對同意 筆保長的講法, 香港政府過去幾年的施政, 你話唔係官商勾結都冇人信. 我地普通市民換幾百元外幣,...

再講洗黑錢或走私漏稅, 強國家陣全民興現金交易已係一大漏洞。

點解支票或Credit Card冇乜人用呀? 無它嘅, 冇根冇據稅局點查呀?

所以英國稅局一般會釘死果啲帶大量現金作消費者, 又或出入境去旅行人士, 而我哋華人餐館佬、雜貨店佬乃佢哋嘅target。

引用:

原帖由 rfong50/50 於 2012-7-13 22:17 發表


多謝 筆保長, 明白晒. 即係材料就有晌度(包括埋果封 Power of attoney), 爭在邊個人來取, 砌邊一個人和交俾邊班人去放而矣. 咁即係大把好戲在後頭喇!

That's it!

引用:

原帖由 rfong50/50 於 2012-7-13 22:17 發表


多謝 筆保長, 明白晒. 即係材料就有晌度(包括埋果封 Power of attoney), 爭在邊個人來取, 砌邊一個人和交俾邊班人去放而矣. 咁即係大把好戲在後頭喇!

And could save a lot of pension payment at the end of the day!

引用:

原帖由 mtpen 於 2012-7-13 22:27 發表


再講洗黑錢或走私漏稅, 強國家陣全民興現金交易已係一大漏洞。

點解支票或Credit Card冇乜人用呀? 無它��, 冇根冇據稅局點查呀?

所以英國稅局一般會釘死果�爣a大量現 ...

漏稅已是一條罪, 以前若非嚴重及斷正, 追補或罰款已可以. 現在加上VAT 現金的問題, 因若瞞稅就要VAT 都要吞埋, 咁就隨時要坐籠架喇. 一般香港移民根本唔敢搏. 留番比D強國新移民去搏囉. 寧願將物業交 agent 放租乾手淨腳.

引用:

原帖由 rfong50/50 於 2012-7-13 22:17 發表


多謝 筆保長, 明白晒. 即係材料就有晌度(包括埋果封 Power of attoney), 爭在邊個人來取, 砌邊一個人和交俾邊班人去放而矣. 咁即係大把好戲在後頭喇!

所謂平生不作歪心事, 夜半敲門也不驚。

其實阿筆我跟《肥龍》、《乜七光》呢班貪官年紀相約, 大家都係六十二三歲。但現在睇嚟, 我幸福過佢哋多矣。我得承認我講呢番說話是含有酸嘅成份, 因為如果真係比較起上嚟, 佢哋無論出身、學歷、仕途高出過我億萬倍。

佢哋太貪喇, 冇識得乜嘢叫做level人生。無可否認佢哋前半生享盡富貴榮華, 有權有勢有地位, 但如今安在呢?

我還是喜歡《平均法》, 可長食長有, 心安理得。

佢哋之所以比人叻, 無他嘅, 搏到盡。唔係一定指做工作搏到盡, 而係乜七都攞盡、食盡、威盡、賺盡….

呢種性格嘅人, 多信奉《富貴險中求》之金科玉律, 但佢哋冇㗳清《險中求》三字。好運嘅, 咪可跳過危險成家富貴囉, 之但係好運呢家嘢乃由Statistics中之Probability, 即《或然率》所govern住, 唔係事必常常與你同在, 於是乎就好似佢哋家陣咁冚家拉差矣!

惟唔《險中求》又會點呀? 咪好似大督筆我咁在千千萬萬人海中浮浮沉沉, 做一個nobody囉! 不過都冇壞吖! Isn’t it?

引用:

原帖由 rfong50/50 於 2012-7-14 09:07 發表


漏稅已是一條罪, 以前若非嚴重及斷正, 追補或罰款已可以. 現在加上VAT 現金的問題, 因若瞞稅就要VAT 都要吞埋, 咁就隨時要坐籠架喇. 一般香港移民根本唔敢搏. 留番比D強國新移民去搏囉. 寧願將物業交 agent 放租 ...

方兄被稱得上英國地胆此美譽, 並非浪得虛名!

唐人最驚V叔! 即稅局專查一般retail, 包括華人餐館佬、雜貨店佬有冇撻咗政府叫佢哋代收之20% VAT稅。

又係果句, 《富貴險中求》! 冇撻果個我阿筆切個頭俾佢做櫈坐。冇撻點發達?

引用:

原帖由 mtpen 於 2012-7-13 22:14 發表


方兄對當今局勢瞭如指掌, 佩服!

香港乃自由港, �屭咧p水客, 特府的確冇佢�]符, 故徵收出入境稅確實可收一石二鳥之效, 值得推行。

反而我唔明強國個policy點解會默許ࢋ ...

走水貨的歷史由來已久, 而且物品及原因亦改變很多矣. 從前在有貿易管制的年代, 走水貨是主要為廠家運送受管制及打重稅的零件為目的, 由於是有助於國家發展亦有助於國家對抗歐美等國家的打壓. 因此, 國家是隻眼開隻眼閉的, 而且規模亦很龐大及很有制度的. (記得當年小弟開廠的時候, 因須要大量電腦使用, 而當年剛推出的PIII 電腦竟然被視作為可作軍事用途而被禁入囗, 問題應該不是來自強, 因此小弟要花了差不多兩星期才將三十幾台電腦帶過關, 其餘的才在華強北採購, 講起上來都肉痛, 那批電腦用了過百萬架.) 在這種彈性處理的政策下, 走私和貪污集團就越來越大. 隨蓍強國持續開放並加入世貿後, 禁運管制減少和保護性關稅持續下降, 零件偷運須求已經大量減少. 但隨之而來的就進入另一個水貨偷運時代, 而這種模式不會受 國家接受,是違法. 由於強國加入世貿後, 為了對強國出品保持競爭力, 以其能在某個產品領域做成隴斷或就到龍頭地位. 向某種特定出口產品加以補貼, 是一個有效的方法, 而補貼則最高差不多達百分之二十, 比一般生產商的毛利還要高.
因此, 大量的出口貨品經正式出囗後, 又從地下渠道偷運回國內, 而這種貨物, 有一些是偷運回國內市場銷售. 所以從前很多香港人都被要求幫國內同胞帶那些國內生產的手機回國的怪現象, 因這樣是可平宜幾百元一部的. 這種情況強國海關是免強接受的, 因法例上是準帶某價值以下(現在好像是伍仟元以下)的產品入境, 但當然不是那些有補貼的產品. 又係隻眼開隻眼閉.
但係更嚴重的是,有些已獲補貼的貨品, 在偷貨回國內後, 又重新包裝後再出口, 又再領取補貼. 因此, 同一批貨物可以循環領取多次補貼. 這種是騙取國家財產的犯法行為. 國家是不容許的, 但偷運集團和海關及當地政府的合作關係已根深蒂固, 利益輸送豈能無故終止, 因此, 情況繼續下去好幾年, 而偷運不法水貨的制度更加完善, 分工亦越趨細密, 一於有錢大家搵, 羅湖橋上曾幾何時, 可以見到一隊隊水貨兵團, 在等候天文台(他們稱知為鵰) 的信號, 一湧而過的場面, 每天可見. 不過隨著 深圳前市長許宗衡的下馬, 加上 強國在很多生產領域已經做成隴斷 補貼項目持續下降, 這種不法的偷運已大為減少. 隨著強國人民的購買力持續增加, 國民對貨品質素要求不斷提高下,繼而進化成現今的百花齊放的階段.
現時走水貨的人, 國內的以小商人個體戶為主, 無特別組織, 由於海關對他們是默許的. 而他們大多走的都是可靠的曰用品, 國內基本上冇現貨, 容許他們帶上去反而解決某些人的物資問題. (國內貧窮的人, 就冇得選擇喇, 抵食夾犬件有得用就得,理得佢點做出黎呀.) 至於原本走開水貨的香港人, 自華姐的幾億元走私集團被祭旗後, 已化整為零, 除非是很熟的貨主委托, 犯法的水貨是不會做的, 因除會留底外. 外便大把雜貨搵人走, 雖然搵小些少,但勝遇在安全, 長搵長有嗎

好多時見上水火車站外(小弟家住上水), 有些國內同胞因搶購太多心頭好貨品, 須要香港同胞幫手帶貨過關, (基本上每個人可以帶總值約五仟元的合法自用物品,準唔準過就要睇心情, 不過最多係退回香港而矣,冇手尾的.) 正所謂中港同心, 有銀大家搵呀嗎.

引用:

原帖由 rfong50/50 於 2012-7-13 16:57 發表
小弟覺得杳港政府應該收取 旅客出入境稅 (或城市建設稅, 好多外國國家都有), 以補賞香港政府聘請額外聘請人民入境事務處人員及香港市民生活質素下降之苦. 每次向出入境旅客徵收一百元或以上, 從而每年可為庫房多收一百億元以上 ...

方兄的提議蕉仔舉晒五肢讚成，大家試想想，強國從每個香港人在回鄉証的收費上賺取了多少港幣呢？每年肯定唔止一百億元，希望筆學長有機會跟有關人士反映，幫幫香港，感激不盡。

引用:

原帖由 mtpen 於 2012-7-14 10:18 發表


方兄被稱得上英國地�e此美譽, 並非浪得虛名!

唐人最驚V叔! 即稅局專查一般retail, 包括華人餐館佬、雜貨店佬有冇撻�鰿F府叫佢�]代收之20% VAT稅。

又係果句, 《 ...

講開稅務局班V叔就真係得人驚喇, 唔知佢地同 MI5 係同一個所傅既呢? 聞說佢地會便裝去你餐館食餐, 記低你的餐旳份量大少, 然後又會埋伏你餐館附近幾天, 統計你的生意狀況後, 然後就同你計數, 即不只生意額, 連你的營運支出都計得清清楚楚, 真係用多條青瓜都要問用左邊呀. 簡直活在深層次恐佈中.

引用:

原帖由 蕉園仔 於 2012-7-14 12:16 發表

方兄的提議蕉仔舉晒五肢讚成，大家試想想，強國從每個香港人在回鄉証的收費上賺取了多少港幣呢？每年肯定唔止一百億元，希望筆學長有機會跟有關人士反映，幫幫香港，感激不盡。

蕉兄下達訓示, 阿筆我那敢不從命?

I see what I can do, perhaps 倫敦奧運開幕果幾日, 温生跟金毛倫交尾, 後之接棍儀式完成, 有一場合我會與芋兄二人六足孖住上代表九龍仔大坑東街坊跳草裙舞+fling嘢娛賓。適逢中庸兄與方兄要去London個水魚盤落大訂, 故分别代表山頂區及上水屋仔豪宅區表演光棍舞。

睇過喇, 到時我定必同温生行埋一陣, 借機對他面授機宜一番, 要佢老人家下令開徵特許走私稅, 請放心好了!

三十年前,暑假回港,都會去委託行,帶些日用品回台,
有人回收,可以賺回機票,台因管制外國貨,一瓶洗髮精
港幣3元(=20元)台市面賣220元,真的差很大.
後來台灣慢慢開放,外國貨物稅降低,這種跑單幫就沒有了,
不過,老婆回港,必會買包包,據說便宜10%左右.

引用:

原帖由 Tarocake 於 2012-7-13 00:34 發表



謝方學長，收到。我個世侄經紀見CCB跌得咁急馬上hold 住，明天聽佢點講先。

弊，我�隅恕@聽到周老板就轉台，下次聽下先

我這個 IC 同屆校友, 可能是客串一兩次性質, 應該是回歸香港電視圈做準備. 聞說早前在國內發展時有收唔到錢罷拍的事件. 她個人很硬淨又有原則和固執, 其實不適宜在國內特別係娛樂圈打滾. 這次客串, 不只她一個, 早幾日還有 麥包, 祥九等明星客串, 應該係阿 至穩為他們做勢之餘, 順便為自己新東家贈慶吧.

引用:

原帖由 rfong50/50 於 2012-7-14 12:08 發表

...好多時見上水火車站外(小弟家住上水),...

乜上水啲House正咩?

我醒起早前方兄你投訴某日雷公震咗你一震就即刻冇咗嘢睇, 窩河!

响香港住House唔怕墨七拜訪咩?

2004年尾我曾去上水睇果個新盤皇府山, 當時剛回流幾個月, 見TV個廣告賣到好似英國Kew Gardens咁咪去踩吓場囉, 一睇, 把鬼! 前面係一堆爛鬼木屋+村屋, 馬路對面全係公屋, 咁就叫做豪宅, 真搞笑!

我倆公婆只係响外圍行咗陣就費事再睇落去, 走咗去美心酒樓嘆茶就算咯。

引用:

原帖由 rfong50/50 於 2012-7-14 13:01 發表


講開稅務局班V叔就真係得人驚喇, 唔知佢地同 MI5 係同一個所傅既呢? 聞說佢地會便裝去你餐館食餐, 記低你的餐旳份量大少, 然後又會埋伏你餐館附近幾天, 統計你的生意狀況後, 然後就同你計數, 即不只生意額, 連你 ...

其實V叔都係做好佢份工啫, 一般會如強國鬥資產階級敵人咁, 坦白從寬, 抗拒從嚴。

V叔义到, 一定要認, 唔好駁嘴。睇住盤數嚟撻, 好景時大啖啲, 冇生意果排撻少少就算, 切忌吞金滅宋咁狼死。

方兄應該冇估錯, V叔真係似James Bond手法查案, 跟MI5 & MI6同一師傅取經。

佢哋查嘢睇現象, 只要醒爬啲, 問題不大。餐館佬去雜貨店上雜貨, 全部用現金, 否則入貨多多而仲話自己冇生意, 實衰。

引用:

原帖由 mtpen 於 2012-7-13 14:23 發表


何賽非? 好咩?

芋兄講起《大紅燈籠高高掛》呢套戲我都好似記得有個嫩口嘅幾靚吓, 太耐喇, 家陣好老囉噃。  

呢套戲我醒起我係十多年前在英某晚鬼佬台ITN播時先至 ...

筆老大，又係感覺，早年我在杭州目睹過佢d風騷嫵媚，真係殺死人。拍色戒時已稍遜。

引用:

原帖由 mtpen 於 2012-7-14 22:31 發表


其實V叔都係做好佢份工啫, 一般會如強國鬥資產階級敵人咁, 坦白從寬, 抗拒從嚴。

V叔义到, 一定要認, 唔好駁嘴。睇住盤數嚟撻, 好景時大啖啲, 冇生意果排撻少少就算, 切忌 ...

筆大督爺，方學長，你們提到VAT 情況，我有d唔明想請教，VAT我理解在經營上是一個cash  flow 的issue, 個 book 唔會反映係cost 或tax burden, dretail 老板點解要避呢？我無2位咁熟，但英國個tax jurisdiction 以及 Accounting practice 都幾規範，報稅行honest  system, 稅局唔信要有足夠舉證而且要justified, 佢一係成條supply chain 去查，單憑片面估算，你HMRC點知我耗量幾多呢？你不如教我點run 間餐館啦！你唔信我turnover,你就派條金絲貓日日坐係度！（下刪老大常用問候語）。依小弟這幾年接觸，HMRC 都幾OK, 如果學長有老友再遇類似不平對待，我俾個contact point 你去反映。如果筆老大肯助陣更正。

講開走水，我又湊下熱鬧，唔知我算唔算第一代呢不過是part time.
79 年考完Matri, 繼續在做開part time 茶樓工作等放榜。某日，其中一個老板叫我申請回港証，攪掂後請兩日假，幫佢帶貨上廣州，酬勞500（當時做足一個月part time 才600），一台電視機，兩大袋衣服，計算機，藥物及人參煙。第一次踏足大陸。當年未有回鄉證，每次要邊防解放軍寫回鄕介紹書。第一眼見到羅湖海關副對聯「打倒美霸權主義，打倒英帝國主義...」當年往事一年都講唔完，先講當年水貨營運。改革開放初期，乜Spring 都要。彩電香港買2100，打稅1200人仔，賣4K 人仔，其他大概1港幣成本賣1元人民幣。當年匯率100港元兌29人仔。人民幣當年未流通，咁點套現港幣呢，今晚再匯報

引用:

原帖由 mtpen 於 2012-7-14 21:54 發表


乜上水�轣ouse正咩?

我醒起早前方兄你投訴某日雷公震�鬻A一震就即刻冇���畇�, 窩河!

�酯輕鉿檅ouse唔怕墨七拜訪咩?

2004年尾我曾去上水睇果個 ...

筆保長果然英明, 當年呢個皇府山盤簡直離譜, 此盤位置唔好, 又唔係低密度或半/獨立屋, 當年開五千幾/呎, 到依家有一些都未歸本. 當年街的另一邊 (較近市中心)果個另一新鴻基低密度盤, 當年二手賣緊三千鬆/呎, 足足差八,九成. 最細單位價錢大家差唔多, 不過一個係一千呎另一個係伍佰幾尺而矣. 而現在大家都係五千元/呎左右.

至於小弟住係上水差不十二年, 因為當年有個傻佬炒家(真唔好意思, 不過真係...)用七千幾/呎買左我 馬鞍山海柏花園個七佰幾呎單位. 我冇放盤, 佢亦冇睇樓 (當年約兩年樓). 大家簽名就攪掂. 其實當年我地都想搬, 因方太想養狗而高衛就管得嚴. 結果, 賣左之後, 租左去對面 新港城 八佰幾呎, 恆基樓向來都係養狗天堂, 真係各取所需. 因當時己有創業打算. 2010 年因已轉國內發展. 而馬鞍山又將會起東鐵, 預計環境會很嘈和沙塵滾滾. 所以想搬去近邊境的地方居住方便來回.

終於以差不多賣 海柏花園的價錢買了 新鴻基一個最近邊境的半獨立洋房, 歐意花園.

未完, 待續.

引用:

原帖由 rfong50/50 於 2012-7-15 09:27 發表


筆保長果然英明, 當年呢個皇府山盤簡直離譜, 此盤位置唔好, 又唔係低密度或半/獨立屋, 當年開五千幾/呎, 到依家有一些都未歸本. 當年街的另一邊 (較近市中心)果個另一新鴻基低密度盤, 當年二手賣緊三千鬆/呎, 足 ...

期待一聽方兄之炒樓發達史。

老兄所指另一盤是否奕翠園?

當日我未到皇府山前曾入去睇過,但覺市區價,上水貨,唔值,所以冇再考慮。

引用:

原帖由 Tarocake 於 2012-7-15 08:23 發表

第一眼見到羅湖海關副對聯「打倒美霸權主義，打倒英帝國主義...」當年往事一年都講唔完， ...

芋兄若有空,不妨將見聞於此與大家分享喔!

引用:

原帖由 Tarocake 於 2012-7-15 07:25 發表



筆大督爺，方學長，你們提到VAT 情況，我有d唔明想請教，VAT我理解在經營上是一個cash  flow 的issue, 個 book 唔會反映係cost 或tax burden, dretail 老板點解要避呢？我無2位咁熟，但英國個tax jurisdiction ...

芋兄一啲都冇講錯, 英國稅局以至報稅手續的確行honest system, 因為唔係咁, 個Admin cost or Labour cost用响去執行稅制條例會係天文數字, 因所查到嘅根本唔cost effective or value for money, 即冚唔番成本。

英國話細話細, 假假哋都成幾仟萬人口。好彩走私漏稅並非鬼佬基本文化, 更不成風氣, 否則要請番相等Taxman一個跟一個納稅人貼身查都唔惦, don’t forget, 英國係萬稅之國, 否則國民何來咁好福利呀?

其實英國HMRC嘅作為, 响香港人眼中, 仲狼過華秀隻狗, 乜都即㗳。每月出糧, 有理冇理, 你公司會自動扣起應繳稅款直給HMRC, 個system叫做PAYE (Pay As You Earn)。响英國銀行利息要納稅, 亦是一派即㗳, 當income 計入薪俸稅內一併加大當taxable income。

我人雖離英, 但乃有相當股票及Savings有息派, 我因非英國長住居民 (此乃稅務上字眼, 與有否居英權無關), 原可向銀行register interest pay gross, i.e. to receive interest with no tax deducted, 但因我乃用overseas address而不受理, 故要每年向HMRC claim番。

正如芋兄說, 大家信大家, 我填幾多佢俾幾多, 毋須附上銀行每年度尾發出之Tax Voucher。當然, 一次不忠、百次不用, 而佢一有懷疑你便要出示作證明。