引用:

原帖由 Tarocake 於 2012-7-15 08:23 發表

人民幣當年未流通，咁點套現港幣呢，今晚再匯報 ...

芋兄,呢種乃嚴重刑事罪行,唔係咁輕鬆叫做《套現》,而係叫做《套匯》,那些年要打靶㗎!

引用:

原帖由 mtpen 於 2012-7-15 13:54 發表


芋兄一啲都冇講錯, 英國稅局以至報稅手續的確行honest system, 因為唔係咁, 個Admin cost or Labour cost用响去執行稅制條例會係天文數字, 因所查到嘅根本唔cost effective or value for mone ...

筆主任，咁你算唔算係UK TaxResident 呢？

引用:

原帖由 mtpen 於 2012-7-15 14:00 發表


芋兄,呢種乃嚴重刑事罪行,唔係咁輕鬆叫做《套現》,而係叫做《套匯》,那些年要打靶㗎!  

筆老大，我初時唔識仲以為帶貨犯法，後來老板鄉下個仔（我叫阿叔）解釋貨物經海關放行，該要完稅就完税，所以我們不算走私，至於倒賣，我們的貨全部香港過來，本地物價局管不了，加上所有貨物不在廣州交易，無事。反而有一次在友誼商店（當年供外賓及華僑購買舶來品的指定商店）倒賣香煙俾公安當場扣查，果下就係驚，容後再分享，先講回「套匯」

當年買貨港幣但賺人民幣，走水愈多，人民幣沉量愈多，港幣現金流亦有問題，老板當時用2招套回港幣。

1。黑市匯款：提供100港幣換40人仔。當時好多人匯錢回鄉起屋，國內收訖人民幣，香港才付港幣

2。其時有個鄉里在文咸東街做買手。我們在國內買川蓮，巴戟，杜仲，天麻竽藥材，帶回港給買手收購。

後期乾脆發展規模經濟，鼓勵師奶們帶貨，我們收購，並供應藥材讓他們帶回港，我們在港收購再轉賣。

周二到北京，清完手上工作，到時再分享走水佚事

引用:

原帖由 mtpen 於 2012-7-15 10:55 發表


期待一聽方兄之炒樓發達史。

老兄所指另一盤是否奕翠園?

當日我未到皇府山前曾入去睇過,但覺市區價,上水貨,唔值,所以冇再考慮。

對, 正是奕翠園, 不過記得當年(筆 老大睇樓的時間應在 2004年中左右) 奕翠園呎價約在 2700 - 3100 之間, 而同樓齡同呎樓 新鴻基馬鞍山 雅典居 約3500 至3900, 柤差達兩成幾, 大家都連車位, 據聞 奕翠園曾獲甚麼園林犬獎, 園林面積可能是香港最大的大型屋苑, 以不用三佰萬買一個 1000 呎連車位算不錯喇. 講開又講, 皇府山號稱豪宅, 但車位數目同住宅比例卻遠遜於奕翠園, 分別為皇府山的 163 : 764 即一個單位配 0.21 車位, 而奕翠園為 822 : 548 即一單位配 1.5 個車位. 而奕翠園有高爾夫球練習場, 而皇府山最多衹有室內熱水泳池而矣. 再者, 皇府山最犬面積約 1100 呎, 而奕翠園最細 1000 呎, 最犬1700 呎 誰是豪宅, 數字上已經一清二楚了. 當年皇府山以貴 八九成的價錢開價, 簡直當買家係水魚, 現時兩個屋苑價位已相差不多了. 不過, 這種事經常發生, 元朗 Yoho Town 又是一個好例子. 7000幾一尺, 周圍都買到喇,元朗!

引用:

原帖由 mtpen 於 2012-7-15 13:54 發表


芋兄一�瓥�冇講錯, 英國稅局以至報稅手續的確行honest system, 因為唔係咁, 個Admin cost or Labour cost用�鄍h執行稅制條例會係天文數字, 因所查到�黈琤賒鷯ost effective or value for mone ...

對, 英國稅制及執行都冇問題, 只不過有人唔奉公守法, 才對V叔等公僕恨之入骨而已.

引用:

原帖由 rfong50/50 於 2012-7-15 09:27 發表


終於以差不多賣 海柏花園的價錢買了 新鴻基一個最近邊境的半獨立洋房, 歐意花園.

其實當年所以選擇上水, 除了因為近邊境方便進出國內外. 最主要原因是生活方式近似倫敦, 因我倆較喜歡寧靜生活, 基本上一年都冇幾次去油尖旺, 香港島就只有去中, 西環,因係去會親戚朋友而矣. 而當年上水市中心又極似倫敦小鎮的市中心, 有很多特色小舖, 泊車又方便. 從歐意花園駕車幾分鐘就到市中心, 車泊舖頭門口就可以入內購物或醫肚, 當年上水還保持一份樸素和特色的氣質, 當年很多茶餐廳係唔就晚市的, 相信並非生意問題, 而係習慣優遊生活, 既然沒有生意壓力,向必曰做夜做,搵夠就算. 同時, 想食新鮮的新界疏菜, 捨上水還有那個區呢, 新界菜的批發市場就在上水.
由於小弟喜歡駕駛, 對於歐意花園的被認為交通不方便反而覺得是好處. 想當年寶記在�o魚涌, 原可安排小弟入住太古城(據知老板家族曾擁有差不多一幢的太古城作收租之用, 而佢地亦的確和太古有潚源, 但就為了某種原因在港運城發展方面有矛盾, 搞左幢 494 牙簽商廈出黎, 兩敗俱傷), 但小弟卻喜歡住沙田,馬鞍山等地區. 原因除喜歡寧靜外亦貪其每日可駕車個多小時上下班, 過足駕車癮也. 更曾經在英國運回一部 BMW E30 325 sport 手波回來過足癮添.
講回歐意花園, 對小弟這種喜歡駕駛人仕簡直適合不過, 去機場, 港島中西區經常到的地方,都是三十分鐘左右. 環境優美, 綠化帶又多, 而且有時更見到有人在後花園後的馬路上騎馬踱步, 因後便不遠處乃雙魚河騎術學校和馬會會所也. 不過, 歐意花園也有一個小缺點, 就是車位不足, 每間屋的車房衹能泊一架車, 需知歐意花園多為於國內設廠的廠家居住, 基本上一架中港牌加一架香港牌在所難免, 故經帛見到將車泊於門前路邊的鏡頭:


不過, 自岳母年紀漸大, 停留在香港的時間已改為每年一個多月左右, 家內經常祇有兩個人加一隻北京狗居住, 2200 呎的房屋變得偏大和冷清(歐意花園的設計乃英國人最不喜歡的 Town House形式, 即地下是車房和花圄, 二樓是客飯廳和廚房, 三樓才是睡房). 加上 2008 年奧運就在附近, 而歐意花園二, 三期又開始動工, 環境變得複雜. 故於 2008 年中以 3400幾/呎的價錢賣了住了八年的歐意花園一期. 這一個決定對於某些人來說可能覺得是錯的, 因歐意花園二, 三期, 即現時的 天巒, 在2010 年開賣時, 經  新鴻基吹噓, 房價曾經達 13500幾一呎, 最平宜的也要9000幾, 而小弟曾經擁有過的歐意花園一期, 也曾衝過上接近七千, 而現在也要約五千幾六千一呎, 較小弟沽出時高出八,九成. 但小弟並不覺得可惜, 因小弟香港樓市實在太貴, 普通人窮一生精力摒手抵足, 就是為了一個可居之所, 人的生活質素和樂趣, 就奉送給那些樓市炒家和地產商了. 故小弟寧願於股海中追風遂浪, 同大鱷鬥扭六壬, 亦不會於樓市中推波助瀾, 令普通市民百上加斤. 在香港小弟從來衹會買樓自住, 同一時間, 不會擁有超過一個單位的.
而小弟現居於一個低密度屋村, 就在奕翠園旁邊, 既方便又寧靜, 1000 呎的三房單位連天台, 九成幾實用, 約四十年樓齡, 2008 年以 以尺價 2000幾買入. 冇無謂的會所但有寧靜的環境. 惟一可惜的乃買唔到個一樓連地下的單位, 既有約幾百呎的花園, 又有和單位一樣大的車房/雜物房, 甚至客廳. 不過, 三十幾幢的物業, 幾十年來好像衹有兩三個單位轉過手而已.等喇!

引用:

原帖由 Tarocake 於 2012-7-15 08:23 發表
講開走水，我又湊下熱鬧，唔知我算唔算第一代呢不過是part time.
79 年考完Matri, 繼續在做開part time 茶樓工作等放榜。某日，其中一個老板叫我申請回港証，攪掂後請兩日假，幫佢帶貨上廣州，酬勞500（當時做足一 ...

芋兄, 不要妄自菲薄, 當年閣下行為, 乃協助國家繁榮, 積極推行四個現代化外的笫五個現代化. 家電現代化. 的愛國行為, 至閣下的套匯行為, 亦為人民幣面向世界而訂下基礎, 為釐定人民幣的合理匯率, 找出正確方向. 令人民幣/代用券循序漸進地下調至可與世界各地貨幣搭橋的水平. 更諻論閣下為數以十萬計的自卑港男增加自信(身家升五倍, 由最低 100 港元 對 25 人民幣, 最高升至100 港元 對 125 人民幣.). 可以回鄉做大爺, 計後香燈去也.

引用:

原帖由 rfong50/50 於 2012-7-16 15:21 發表


其實當年所以選擇上水, 除了因為近邊境方便進出國內外. 最主要原因是生活方式近似倫敦, 因我倆較喜歡寧靜...

歐意花園跟老兄現住之低密度屋仔的確幾似英國之Town House, 亦有幾分似芋兄長駐Dockland啲Apartment附近環境, 真係好清雅, 相當吸引, 兼一味夠大。

無可否認, 鍾意揸車養番狗嘅你, 正式look no further矣!

至於話賤賣歐意, 賣仔莫摸頭、摸頭眼淚流。正如芋兄話齋, 早知冇愛滋!

2008年揸住層樓唔驚果個係食咗鎮靜劑而矣, 而你都係平賣平買啫, 套現咁啲乃人之常情, 起碼有成两年你都感覺良好大覺瞓吖, 係冇?

引用:

原帖由 Tarocake 於 2012-7-16 01:44 發表

筆主任，咁你算唔算係UK Tax Resident 呢？

冇喇, 我跟紅毛鬼暫時割蓆喇!

在税務上, 英國居留者分為Resident及Ordinarily Resident, 有時都相當混淆。

基本上, Resident乃指一般外來人士, 並非年復年長期居英者, 如芋兄般, 只在某一Tax Year 住多過183 days.

Ordinarily Resident乃指年復年長期居英者, 但只在某一Tax Year 住少過183 days。舉例當那些年大督筆未回流前, 基本上年年長期居英, 成十年八載咁長, 但只有於某一年因香港有生意要搞, 那年多在港長住, 就算回英短住亦少於183 days於那Tax Year。

但上述Resident及Ordinarily Resident均與有否永久居英權又或揸乜鬼passport無關, 只是在税務上稱之為Resident而已。舉例芋兄你咁, 根本無興趣長居此窮鬼過氣帝國, 只因某年被迫留下做生意而留多過183 days而監生在税務上屈打成Resident而已。

Or又或老兄在英生意愈做愈大, 有段時期成五、六年, 年年長期居英打躉, 只偶爾離英回港一年半載跟芋嫂+芋仔共聚天倫, 雖揸强國passport但獲簽長期商務簽證, 咁就會被定性為Ordinarily Resident了。

夠複雜哩? 都係香港好, 乜税都唔使納就區富民強, 食幾十世都惦, 真係多得阿爺唔少呀!

引用:

原帖由 mtpen 於 2012-7-16 20:15 發表


歐意花園跟老兄現住之低密度屋仔的確幾似英國之Town House, 亦有幾分似芋兄長駐Dockland�讎partment附近環境, 真係好清雅, 相當吸引, 兼一味夠大。

無可否認, 鍾意�隅挽i番狗�� ...

筆保長, 小弟並無覺得平賣左歐意花園, 反而一直覺得香港樓價太貴, 搵埋 搵埋俾晒地產商, 小弟曾買的樓, 都係 2000 幾元一呎多, 只有海柏花園一首買4300 呎. 因當年1993 年回港時, 信和大埔新峰花園都話賣 6000幾一呎, 而海柏有海景都係 4000 幾, 才決定買而矣. 今曰貪得意查下當年用 7200 幾一尺買我果層樓的買家點. 唉, 見他頂得過了 97 都過唔到 2003, 於 04 年以 2700 幾一呎 放左. 照計佢都捱得很辛苦, 因為 2003 年都捱過啦, 最後 2004 年都要蝕六成幾走貨, 肯定好傷, 有排回氣呀.

原來方兄也是老鄰居,我家是富輝花園第2座,
當年整個馬鞍山就只有富輝兩棟,還可看到海景,
現在隔二三排樓還未到海岸.
當年還要坐計程車去啟德機場,
海柏,新港城一幢一幢起,
老父母也樂得可以去商場吹冷氣.

引用:

原帖由 rfong50/50 於 2012-7-16 23:37 發表


今曰貪得意查下當年用 7200 幾一尺買我果層樓的買家點. 唉, 見他頂得過了 97 都過唔到 2003, 於 04 年以 2700 幾一呎 放左. 照計佢都捱得很辛苦, 因為 2003 年都捱過啦, 最後 2004 年都要蝕六成幾走貨, 肯定好傷, 有排回氣呀 ...

方兄果個水魚接棒好手大可安慰佢自己咁話: “都賺咗住吖!”。

其實借mortgage等於借孖展。  

借幾佰萬銀孖展炒股好少人會咁狼死, 偏偏買樓炒樓就唔知唔覺鬼上身。

在唔適當價位入貨, 跟住又因自己《食》力唔夠, 冇力長揸等翻身, 若屋漏兼逢夜雨自己job lost, 咁就一褲都係, 唯有唱句《無力挽, 無力再挽...》嘞!

引用:

原帖由 Tarocake 於 2012-7-16 01:47 發表



筆老大，我初時唔識仲以為帶貨犯法，後來老板鄉下個仔（我叫阿叔）解釋貨物經海關放行， ...

睇嚟芋兄真係要多得小平同志嘅改革開放偉大政策, 食正條水!

老兄識得靈活變通, 跟着政策走, 卒之家陣撈到風山水起, 醒!

快啲三扒两撥, 揾夠收山, 日日上嚟跟各街坊吹水喔!

引用:

原帖由 1149 於 2012-7-17 14:50 發表
原來方兄也是老鄰居,我家是富輝花園第2座,
當年整個馬鞍山就只有富輝兩棟,還可看到海景,
現在隔二三排樓還未到海岸.
當年還要坐計程車去啟德機場,
海柏,新港城一幢一幢起,
老父母也樂得可以去商場吹冷氣.

原來 1149兄也是馬鞍山舊街坊, 富輝花園乃馬鞍山居屋中, 位置應該是最好的, 仳鄰新港城四期商埸和交通交匯中心(有天橋連接), 儼如新港城的一部份, 比一, 三期還方便. 由於座樓不多比最多人認識的富寶花園更矜貴.

記得剛搬入馬鞍山時, 發覺雖然附近的大型居屋如錦英苑, 富寶花園和錦禧苑等已入伙, 但住客比想像中少很多. 後來問人才知道原來當時馬鞍山算比較偏遠(由沙田坐巴士前往差不多半小時), 很多人買了居屋都是當別墅般, 放假才回去渡周未. 後來隨蓍新港城四, 五期和信和幾個盤入伙後, 巴士路線多和密了, 才熱鬧起來.
住在馬鞍山除了 八佰伴的壽司, 或每朝觀塘繞道麗港城灣和傍睌小瀝源至漁民新村的大直路飛馳仍然回味外. 亦有傷感的回憶. 記得當年八仙嶺大火, 是一個星期六接近中午時份, 在家中遙望過去八仙嶺那邊見發生山火, 而且蔓延得很快. 需知吾等九龍仔街坊對火十分敏感, 打開收音機聽聽才發覺是有師生行山遇山火被困. 最後更發覺該批師生乃來自附近, 經常經過它門前的 馮堯敬紀念中學. 最後導至有兩個老師和三個學生死亡, 十幾個學生受傷, 由於這件慘劇發生時, 小弟都一直有留意住, 而受害者都是附近街坊和有關人仕.  因此, 每當提起 馬鞍山就想起這埸火災.

1996 年旳大火災特別多, 除了八仙嶺山火外, 當年年尾的嘉利大廈五級大火, 亦令人矚目. 而且, 可以在電視新聞中如歷其境般目睹, 都幾駭人. 不過, 最令小弟難忘的, 仍然是 1969 年九龍仔大坑西大火, 當年正值上堂, 在大坑東官立學校班房中居高臨下現埸目睹, 簡直一世難忘, 比從前 街坊 學長們上載的這幅圖片驚駭得多.

1997 年左右吧，有一個女同事俾些她結婚擺酒的照片我看，她特別將一張她和她舊公司的同事合照給我看，她說這一圍同事有半圍都去咗見上帝了。

我問點解，她說舊公司係一香港著名金行，在嘉利大廈有寫字樓，她覺得工作悶後來轉左來銀行工作，如果唔係她都變埋燒豬，真係一額汗。

２年前的２月去喝２６歲表弟喜酒。臨走前還影張合照先走。５個月後係去意外現場拜祭佢。老婆仲懷孕中。 人人都會無意間誤作人生是有常。

[ 本帖最後由 flowingwater 於 2012-7-18 00:17 編輯 ]

筆老大，今早出發北京時，做了一件非常尷尬事，但間接與你有關，想屈你作出少少賠償。
事緣今早登機閘口在71號閘，CX會安排porter service 電車仔送過去，途中見到個老友在車前，於是乎想打個招呼，本來想講「睇車呀靚仔」，可能呢排受你影響，竟衝口而出「Hey Watch out  You, Mother fxxker」。個老友無事，不過佢旁邊對鬼佬夫婦就O哂咀，用極不友善眼光啤我。好彩開車阿姐醒目，停低俾我地寒暄兩句，果對夫婦知道我地認識，唔係叫佢地避開。不過都夠瘀

引用:

原帖由 mtpen 於 2012-7-16 22:31 發表


冇喇, 我跟紅毛鬼暫時割蓆喇!

在税務上, 英國居留者分為Resident及Ordinarily Resident, 有時都相當混淆。

基本上, Resident乃指一般外來人士, 並非年復年長期居英者, 如芋兄般, 只 ...

老大，你用英哥口吻無正面回答，我就懷疑你仲係UK Tax Resident. 按規矩你在海外的capital gain 都要納稅。以你的analytical power, 聰明，才智及商情網絡，我就L 唔想你回歸香港至今在投資市場上執唔到10多20球。我勸你最好lum掂所有同英國有關連的街坊 include
but not limited
to. 中庸兄（ potentially
2017 年後美國駐英大使鄰居兼大使夫人入幕之賓） ，方學長（英國高等學府高材生，在英有關鍵人脈關係），蕉圓仔學長（早前提過手頭有筆GBP),及小弟（為兩餐經常奔波倫敦），我地如果滿意咪唔舉報囉。唔好話我唔幫老大，先奉上今晚其味正菜，lum一lum佢地幾位。

首先，河豚，（有小小搵命搏）真係極品

脫脂豬手 and迷你小茄子（dwarfaubergine )

沂蒙風光

引用:

原帖由 rfong50/50 於 2012-7-16 18:00 發表


芋兄, 不要妄自菲薄, 當年閣下行為, 乃協助國家繁榮, 積極推行四個現代化外的笫五個現代化. 家電現代化. 的愛國行為, 至閣下的套匯行為, 亦為人民幣面向世界而訂下基礎, 為釐定人民幣的合理匯率, 找出正確方向.  ...

多謝方學長鼓勵，真正貢獻祖國四化都係靠果班開荒牛，走水份額實在太小，不果真係幾好搵，奈何小弟當年無資本，初出茅蘆加上興趣不大，執得唔多，不過亦可能避過一劫，

學長是光學專業，可能認識當年做眼鏡業務頗大但後來不如意的馬老板，其國內最大眼鏡廠設於潮陽和平里美，果條鄉當年就係一個水貨集散地。

今晚稍倦，容後再分享當年走水經歷。

引用:

原帖由 mtpen 於 2012-7-17 21:41 發表


睇嚟芋兄真係要多得小平同志嘅改革開放偉大政策, 食正條水!

老兄識得靈活變通, 跟着政策走, 卒之家陣撈到風山水起, 醒!

快啲三扒两撥, 揾夠收山, ...

筆老大，想請教其實有沒有一個indicativeor benchmark, 幾多資產值含cash 先可以支撐一個中等享受的無憂退休生活？

沂蒙風光食法

蒜拌貝丁,樹番茄,小茄子

醬肉大包