引用:

原帖由 mtpen 於 2010-10-7 08:04 發表


Hong兄描述七層大厦生活非常詳細生動，又一歷史見證，難得。

牆上幾個窿,我都記得。


講真，我從來未去過你坐緊嗰支大炮，真大鄉里。


摷吓仲有乜舊相讓我們 ...

今個星期日都返去老媽子食飯, 搵下相先

引用:

原帖由 him4466 於 2010-10-7 10:56 發表


公園還在, 不過水池已填平 (今年中秋當晚有去過)

我跟 scottiehong 兄都算係又一村 & 寶安既校友喎

睇返之前既 post, 我估 him 兄係我學兄
無記錯既話, 88年寶安小學畢業,
最記得係匯基讀中一, 就係89碌四事件發生

講返起, 我由出世到成年, 一直都係九龍仔
幼稚園, 小學, 中學都係呢區

有時同老婆返南山邨, 特登行下大坑東, 大坑西,
棠陰街果便, 介紹比老婆知以前係點既,
不過佢就無乜興趣
可能佢唔係九龍仔大啦

講起又講, 棠陰街都好多回憶,
除左中, 小學係呢度讀之外,
間唔中去社區中心玩,
上面有個圖書館&自修室, 成層樓甘大
果時家姐成日去, 好多哥哥, 姐姐係度溫書
80年代既讀書風氣比而家好好多, 可能係個人感覺

社區中心隔離有條路仔, 就係福德古廟,
小學既時候間唔中上去架, 捉金絲貓
邊有無錢買呢d野, 咪上山自己搵
試過有次上去, 見到條蛇係石級中間,
就滾水淥腳衝落山, 之後都唔敢再上去玩

70年代後期, 我老豆教仔仲係用果套 "棒下出孝子"
細路仔果時剩係知老豆好惡,
下下用丫差一野就"牛"落黎

而家星期日 or 假期返南山邨
行經九龍仔, 真係好靜
棠陰街果邊既大坑東, 東龍樓果邊既大坑東
南山邨 & 大坑西邨 = 老人邨
不過每次返去, 好有親切感, 好寧靜, 感覺好舒服

我小學果時係救世軍上過補習班, 環境好好
而家個公園好多婆婆, 公公係度

引用:

原帖由 scottiehong 於 2010-10-7 14:21 發表

70年代後期, 我老豆教仔仲係用果套 "棒下出孝子",細路仔果時剩係知老豆好惡, 下下用丫差一野就"牛"落黎
...

Hong兄，你個仔有福嘞。己所不欲，勿施於人。你知咁做唔妥，你一定唔會咁吽個乖仔了，對嗎？

我佩服你嘅勇氣，可放下包服，講出上一代之不是。

其實我哋做大人嘅亦要反醒，你都叻嘞，一個出世時白壁無瑕，咁可愛嘅小朋友，經你手凑大，又冇交過俾人，at the end of the day，佢居然會係你所聲稱嘅「所謂」激你，唔聽你話，你大人一啲錯都冇。你自問吖，有否未盡全力，自私去享樂而疏於管教、親子咁呢？你自己最清楚！

唉！稚子無辜呀！

又有單野諗起

當年住大坑東第五座既時候,
有次落樓下買野食,
應該係落到一樓既時候,
見到有個男人拿住個飯盒
(三十年前既飯盒同而家又無乜大分別)
從飯盒中拿出一小包粉末交比另一個男人
果時得幾歲, 但係都知道果d係白粉,
又唔係甘識驚喎, 只係返轉頭同老媽子講,
阿媽話唔好理人地甘多野, 件事就不了了之.

話時話, 有樣野想問下
當時無獨立廚廁, 用水就要去中間位果個水喉位,
俗稱叫 "水喉腳" 但係睇返之前既 post, 好多師兄叫 "水喉頭"
點解有唔同叫法 ?

細路仔果時成日水喉腳玩水, 唔洗錢, 又好玩
不過記得有樣野, 就係冬天玩水玩到隻手生蘿白仔,
都好痕幾痛, 比家姐鬧完就塗藥膏.

其實大坑東徙置區(3, 4, 5座果邊)有好多街坊都搬晒去東龍樓
同埋南山邨, 不過已經好老, 有好多已經過左身

引用:

原帖由 mtpen 於 2010-10-7 15:18 發表


Hong兄，你個仔有福嘞。己所不欲，勿施於人。你知咁做唔妥，你一定唔會咁吽個乖仔了，對嗎？

我佩服你嘅勇氣，可放下包服，講出上一代之不是。

其實我 ...

其實而家諗返, 老豆用鐵碗政策係無可厚非,
一來老豆係粗人, 二來係甘多個仔女, 邊有甘多時間教
一句唔聽, 就無第二句, 即打...無得傾
當年既治安, 風氣的而且確好易令小朋友誤入歧途,
就講我由小學到中學呢個階段,
身邊有好多同學就係甘, 屋企當小朋友係寶, 唔捨得打,
甘就行錯左條路.

之不過, 我又唔會用老豆以前果套,
不問情由, 就手起棍落.
老套講句, 吸取老豆教仔既經驗,
好既就用, 唔好既就唔用, 就係甘簡單
我家姐都有小朋友, 睇住佢地大,
睇到長輩點教小朋友, 係一個好好既經驗
而家既大人太過寵愛小朋友
成個小霸王.

引用:

原帖由 scottiehong 於 2010-10-7 14:21 發表


有時同老婆返南山�h, 特登行下大坑東, 大坑西,
棠陰街果便, 介紹比老婆知以前係點既,
不過佢就無乜興趣
可能佢唔係九龍仔大啦 ...

飯票又係好鍾意舊地重遊。

引用:

原帖由 scottiehong 於 2010-10-7 15:56 發表


其實而家諗返, 老豆用鐵碗政策係無可厚非,
一來老豆係粗人, 二來係甘多個仔女, 邊有甘多時間教
一句唔聽, 就無第二句, 即打...無得傾
當年既治安, 風氣的而且確好易令小朋友誤入歧途,
就講我由小學到中學呢個 ...

而且當時環境唔好，父母搵朝唔得晚，會搵仔女出氣。亞哥 被阿爸打到 17 歲，趕出街。

我就自細好食好住。

Hong兄:
高興地及歡迎你的參與，我是69年寶安畢業，還記得五座兩翼間的車仔麵檔，樓下的診所，寶安的大徐及細徐，我們同期的幾位同學，仍有�韁|。

引用:

原帖由 suewong 於 2010-10-7 21:39 發表


飯票又係好鍾意舊地重遊。

SUE 姐, 你好

又一次證明, 男人特別長情

引用:

原帖由 suewong 於 2010-10-7 21:49 發表


而且當時環境唔好，父母搵朝唔得晚，會搵仔女出氣。亞哥 被阿爸打到 17 歲，趕出街。

我就自細好食好住。

有時唔好話唔信, 好醜命生成

引用:

原帖由 suewong 於 2010-10-7 21:49 發表


而且當時環境唔好，父母搵朝唔得晚，會搵仔女出氣。亞哥 被阿爸打到 17 歲，趕出街。

我就自細好食好住。

唔好話唔信, 好醜命生成

引用:

原帖由 小師弟 於 2010-10-7 22:23 發表
Hong兄:
高興地及歡迎你的參與，我是69年寶安畢業，還記得五座兩翼間的車仔麵檔，樓下的診所，寶安的大徐及細徐，我們同期的幾位同學，仍有�韁|。

小師弟兄, 你好

估唔到係呢到撞返甘多學兄
車仔麵檔一定記得啦, 可以話係食佢大架
如果買外賣, 就要自己帶個鐵壺去買, 仲可以多d汁添
食完就去涼茶鋪飲五花茶
而家講起, 有個疑問, 係唔係搬左去南山邨果間雄記 ?
今日既雄記已經轉左幾次手了
至於樓下既政府診所, 老媽子都有帶我去睇過,
果d政府咳水, 無記錯係粉紅色既, 不過效果就麻麻地,
有時唔止咳, 就去大坑西華人酒樓下面既西醫葉冬青
葉醫生都退左休, 高大又靚仔(呢句係老媽子成日講既)
講起呢位葉醫生, 佢有句口頭禪, "每日八杯水" 聽佢講足幾十年呀

大徐記得, 係校長, 四眼高高瘦瘦, 上兩個月前先見過佢
我地既小學班主任 馮光漢老師過左身,
7月尾, 我地成班同學去左紅磡,
當晚去紅磡仲係落雨添,
馮 sir 岩岩先退左休無耐, 轉個頭就走左
做人就係甘化學

細徐就有無乜印象, 唔係甘記得邊個
不過係記得有呢個人

我地同期既學友都有搞聚會, 都有十幾人架
不過近呢幾年小左出來,
無辦法啦, 而家係博殺時期,
好多都已經結晒婚, 有細路, 要湊仔湊女
無以前甘樣, 成日約埋出來玩啦
不過有兩樣野就一定莆頭, 紅事 & 白事
下次睇下邊個結婚又可以出來打牙較, 食返餐

死火, 老婆成日話我無記性, 同我講完轉頭就無左件事
幾廿年前既事又記得, 可能係早期老人痴呆症

引用:

原帖由 suewong 於 2010-10-7 21:49 發表

而且當時環境唔好，父母搵朝唔得晚，會搵仔女出氣。亞哥 被阿爸打到 17 歲，趕出街。  

適量體罰可以理解，尤其是 guideline 清晰及屢勸不聽情况下。

以前英國體罰小朋友乃犯法，現已改例，smacking 合法。

惟搵仔女出氣，乃純粹蝦人，冇人性之所為。

話時話, 我對寶安及又一村既老師都無好感 !!

引用:

原帖由 him4466 於 2010-10-8 10:24 發表
話時話, 我對寶安及又一村既老師都無好感 !!

又係我發揮超強記憶力既時候,
him 兄係又一村讀書既時候,
係唔係有位老師叫 周桂(貴)冰 ?
我仲好記得佢個大寶號
事關呢位周老師對百厭 or 易喊既小朋友無乜耐性,
印象中, 比佢捉過入黑房, 不過又無喊喎

寶安對我來講, 其實幾開心,
多朋友仔一齊玩, 返學放學又方便
唔駛留班, 老豆唔打, 已經好 happy

上一輩死追爛追都要追返個仔,
幾十年過去, 而家睇返轉頭,
十之八九反而無阿女甘孝順,
所以話呢, 做人又唔好甘執著,
世事既野, 睇開d, 做人都開心好多

引用:

原帖由 scottiehong 於 2010-10-7 15:36 發表


話時話, 有樣野想問下..俗稱叫 "水喉腳", 好多師兄叫 "水喉頭" 點解有唔同叫法 ? ...

讓小弟嘗試解答吓，有錯請指正。



"水喉腳" - 除咗說出該處名稱，還會有行動要進行於該處。

例：你家姐叫你將啲衫拎去"水喉腳"度洗咗佢。



"水喉頭" - 純粹指某地方而矣，你冇行動會進行於該處。

例：你家姐叫你幫佢將啲衫拎去"水喉頭"，放低便可，但唔使你洗。

Hong兄:
你的加盟帶來很多絲絲回憶，想跟你分享小學畢業時徐老師和岑老師在紀念冊的祝願。還有寶安商會小學的手冊。但又發現傳不上相片，不明白。

引用:

原帖由 scottiehong 於 2010-10-8 13:10 發表


上一輩死追爛追都要追返個仔,
幾十年過去, 而家睇返轉頭,
十之八九反而無阿女甘孝順,
所以話呢, 做人又唔好甘執著,
世事既野, 睇開d, 做人都開心好多
...

估唔到你是 70 後，都會留意到。

通常事不關己。

好多人指九龍仔就係救世軍後面，瑪利諾後面的木屋區，當年小巴合法之後，路線牌都係寫住青山道，九龍仔，自從1972年6月18日特大豪雨成災，(港島旭禾道成座洋樓倒塌，當時真係世界大新聞。)木屋區居民幾次在棠蔭路社區會堂開會後，社署安排木屋區居民遷往石梨貝及秀茂坪，1972年暑假後，九龍仔木屋區被拆去，唔知幾時，連大坑西平房區都被拆埋，九龍仔個名亦被淡忘，70後出生，應該未見過九龍仔木屋區。
70年代，第五座有條友仔成日由朝到晚播鄭錦昌D歌，開到鬼咁大聲，幾條街都聽到，而家隔左咁多年我都記得。

引用:

原帖由 杜友明 於 2010-10-9 07:37 發表
好多人指九龍仔就係救世軍後面，瑪利諾後面的木屋區，當年小巴合法之後，路線牌都係寫住青山道，九龍仔，自從1972年6月18日特大豪雨成災，(港島旭禾道成座洋樓倒塌，當時真係世界大新聞。)木屋區居民幾次在棠蔭路社區會堂開會後，社署安排木屋區居民遷往石梨貝及秀茂坪，1972年暑假後，九龍仔木屋區被拆去，唔知幾時，連大坑西平房區都被拆埋，九龍仔個名亦被淡忘，70後出生，應該未見過九龍仔木屋區。
70年代，第五座有條友仔成日由朝到晚播鄭錦昌D歌，開到鬼咁大聲，幾條街都聽到，而家隔左咁多年我都記得。

杜友明兄, 你好

你提到第五座有條友成日播歌好大聲,
小弟可以解開你既疑團,
呢條友係住第五座三樓, 大門係向外圍,
條友點解播歌果時開盡個大喇叭 ?
因為佢撞聾既, 所以佢有個外號叫 "聾鬼"
聾鬼有個女, 無記錯係四眼, 斯斯文文, 完全唔似佢老豆.
後來仲嫁左比第五座地下米鋪既太子爺.

講起呢條友, 印象最深係佢好q麻煩,
人地話: 好佬怕爛佬, 爛佬怕潑婦
聾鬼既戰鬥力仲要勁過潑婦,
可想而知佢係乜野人呢
無記錯既話, 佢地一家搬左去東龍樓
佢個仔大過我, 應該有40歲

至於杜兄所講既九龍仔木屋區, 就真係未見過
最勁都係睇過朱古仔最後一批既木屋,
80年代已經燒埋, 從此就無左朱古仔了

睇返甘多位師兄既描述,
當5-60年代既九龍仔,
應該係今日既棠陰街果邊既大坑東,
東龍樓果邊既大坑東, 大坑西邨,
南山邨, 朱古仔村, 城大, 部份又一村.

引用:

原帖由 mtpen 於 2010-10-8 14:54 發表


讓小弟嘗試解答吓，有錯請指正。



"水喉腳" - 除咗說出該處名稱，還會有行動要進行於該處。

例：你家姐叫你將啲衫拎去"水喉腳"度洗咗佢。



"水喉頭"  ...

筆兄果然厲害,
一個水喉頭, 引申出動詞 &名詞

呢兩日得閒就返去老媽子屋企,
搵件古老野比你估下先

引用:

原帖由 小師弟 於 2010-10-8 22:49 發表
Hong兄:
你的加盟帶來很多絲絲回憶，想跟你分享小學畢業時徐老師和岑老師在紀念冊的祝願。還有寶安商會小學的手冊。但又發現傳不上相片，不明白。

小師弟兄, 上唔到圖唔緊要, 得閒吹下水
無記錯既話, 老媽子仲好似keep 住 九龍仔大坑東,
徙置區既租卡,
返去搵下先, 搵到就 post 上來

問過老媽子, 70年代尾, 果時交70蚊租
個個月有徙置區既"區長" 上門收租,
我仲記得個區長有個黑色公事包,
係港英時代好流行既牛皮, 有兩條皮果隻

引用:

原帖由 suewong 於 2010-10-8 23:00 發表


估唔到你是 70 後，都會留意到。

通常事不關己。

呢個係事實,
唔係留意唔到,
只係好多男人唔想正視, 唔想講

另外就係中國人比傳統思想困死左,
怕無仔送終, 又怕比人笑生唔到仔,
生左個仔就當金波蘿, 寵壞左, 學壞晒
老左反而要靠阿女照顧,
睇見好多呢d例子,
死追爛追, 要頭來咪又係得個吉,
真係好悲哀

又諗起樣野

90年代初, 果時讀緊中學,
因為住南山邨既關係, 如果坐地鐵既話,
一定係穿過大坑西邨,
果時已經留意到一樣野,
就係大坑西邨唔屬於房屋署 or 房協
有個白底黑字既牌: 香港平民屋宇有限公司
印象中, 香港既廉租屋唔係房署就係房協,
有小學同學住大坑西邨, 係要交租喎.
一直都好奇怪大坑西邨既來歷,
不過當年無 internet, 又無乜機會問老人家,
呢件事就不了了之

最近係維基百科搵到小小資料,
先知道大坑西既來歷.

http://zh.wikipedia.org/zh-tw/%E9%A6%99%E6%B8%AF%E5%B9%B3%E6%B0%91%E5%B1%8B%E5%AE%87%E6%9C%89%E9%99%90%E5%85%AC%E5%8F%B8
香港平民屋宇有限公司（Hong Kong Settlers Housing Corporation Limited[url=#_note-0][1][/url]）香港政府在1961年以特惠地價批出一幅土地予香港平民屋宇有限公司，公司董事包括東亞銀行主席[url=/zh-tw/%E6%9D%8E%E5%9C%8B%E5%AF%B6]李國寶[/url]、前教育統籌局局長[url=/zh-tw/%E6%9D%8E%E5%9C%8B%E7%AB%A0]李國章[/url]等[url=#_note-1][2][/url]，以興建現時的[url=/zh-tw/%E5%A4%A7%E5%9D%91%E8%A5%BF%E9%82%A8]大坑西邨[/url]，安置當年受[url=/zh-tw/%E5%A4%A7%E5%9D%91%E8%A5%BF%E5%BE%99%E7%BD%AE%E5%8D%80]大坑西徙置區[/url]清拆計劃影響的租戶，而大坑西邨也是香港唯一得到這個安排而興建的私人出租屋邨[url=#_note-2][3][/url]。雖然業權及管理屬於私人房屋，但由於其本意是為低入人士提供居所，一些團體將之視為公共房屋，對其居民申請其他公共房屋資助有限制[url=#_note-3][4][/url]。

睇返之前既 post, 大坑西邨有個花名: 紳士屋
如果有留意, 今時今日既仁寶大廈樓下, 仲有間東亞銀行
呢間東亞銀行, 起碼有30年以上, 有保險箱服務
老媽子就係呢間銀行既客仔,
諗返起, 都唔出奇, 事關當年住七層徙置大廈,
一個單位都無一佰呎, 又無間隔, 牆後面又有窿,
貴重野都係要幫襯銀行保險箱,

奇就奇在, 大坑西邨地下,
即係以前大眾國貨, 眼鏡鋪果度, 都有間東亞銀行(而家好似轉左小童群益會)
有段時間, 一條馬路兩面兩邊, 各有一間東亞銀行,
呢區人口唔多, 又係老人區來計,  斷估無理由打孖開兩間掛,
睇完維基之後, 就解開左呢個疑團
大坑西邨 & 東亞李氏原來甘有淵源

引用:

原帖由 scottiehong 於 2010-10-8 13:10 發表

上一輩死追爛追都要追返個仔, 幾十年過去, 而家睇返轉頭, 十之八九反而無阿女甘孝順,...

Hong兄所見之小農社會特有現象，就讓小弟嘗試拆解此迷團。

早期香港一般父母，唔會俾個女讀咁多書，除咗因個女會外嫁，驚死第日益男家外，個女冇讀書自然蠢蠢哋，唔識得 reasoning & questioning，問點解乜點解物，方便行使愚民政策，好恰啲。

所謂婦人之仁（小弟並無性別歧視，此乃孔老二講先），佢哋多數愚忠愚孝，老豆嫖賭飲蕩吹，唔夠錢使，叫個女去做雞，個女俾佢自細洗咗腦，覺得咁揾錢番嚟顧家，應該還嚟唔切，更仲感覺自己偉大。

就係呢類婦人之仁，無知婦孺，縱容默許、姑息遷就，致令一些人形父母，不思改過，禍害子女 and/or 社會。令其手執孝順這把尚方寶劍、父母這個神聖招牌，進佔道德高地，欺負子女。慘得過被欺凌者，甘之如飴。禮教真的可以吃人。  

剛啱星期三無線播嗰輯港台制作「一念之間」，講個小朋友點樣因禽獸母親疏於照顧而墮樓死亡，真人真事，聞者傷心。我哋嗰代 50 幾年前嘅慘事，依家照樣發生。

但願我有希特拉之無尚權威，我會先捉小朋友之父母，第一時間，男閹女扎，之後接受再教育，若然小朋友日後有乜損傷，即時槍斃，連同小朋友之亞爺亞嫲、亞公亞婆，總共六人，罪狀係管教此對狗男女兒女無方，延禍無辜孫兒。  

我絕非想教人唔孝順。孝順絕對應該兼係人性自然行為，等於口渴要飲水，無須特别嘉許。孝順二字，我昇華之為感恩。任何人有恩於我，與我為善者，無論是父母與否，皆要報恩。反之，縱使是父母，亦不過視之為路人甲乙丙而矣。

唔該啲聲稱自已係好父母嘅人，每年父親節母親節選十大父母時，走去攞啲得獎者列出點先至做到好爸爸好媽媽嘅 questionnaire 番歸，記得呢埋厠所先，tick 吓自己有幾多分，睇吓自己應否 deserve 俾人咁稱呼及孝順，tick 完之後咪面红呀。