引用:

原帖由 suewong 於 2010-10-8 23:00 發表


估唔到你是 70 後，都會留意到。 通常事不關己。

事不關己是為次因，既得利益者又何須多事呢？

话时话,香岛中学及玛利诺神父中学在朱牯仔的历史很久,至今尚在,希望有香岛中学及玛利诺神父中学的校友可为我们忆述当年九龙仔情况,俾大家了解档年的学校生活和附近情况.

引用:

原帖由 scottiehong 於 2010-10-9 10:03 發表


呢個係事實,
唔係留意唔到,
只係好多男人唔想正視, 唔想講

另外就係中國人比傳統思想困死左,
怕無仔送終, 又怕比人笑生唔到仔,
生左個仔就當金波蘿, 寵壞左, 學壞晒
老左反而要靠阿女照顧,
睇見好多呢 ...

因為仔個老婆 (新抱) 孝順自己父母。

家人D仔，每年父親/ 母親節, 都失蹤，好彩有我。

[ 本帖最後由 suewong 於 2010-10-9 22:18 編輯 ]

引用:

原帖由 scottiehong 於 2010-10-9 11:32 發表
但由於其本意是為低入人士提供居所，一些團體將之視為公共房屋，對其居民申請其他公共房屋資助有限制 ...

其實居民通常是董事的公司的員工，所以港英時代，已有官商勾結。

引用:

原帖由 mtpen 於 2010-10-9 15:11 發表


Hong兄所見之小農社會特有現象，就讓小弟嘗試拆解此迷團。

早期香港一般父母，唔會俾個女讀咁多書，除�鬫]個女會外嫁，驚死第日益男家外，個女冇讀書自然蠢蠢�]，唔識得 reasoning ...

我細時，E-媽成日叫亞媽，唔好比我讀小學 / 中學 / 預科，因為係女。

可能因為亞媽無理，我都無 LAU E-媽，覺得她只是受制於當時的觀念。

果條友仔播歌，最受害者該算是協同中學，尤其是中文部，因為中文部課室正正向住第四第五座。

引用:

原帖由 杜友明 於 2010-10-9 07:37 發表
好多人指九龍仔就係救世軍後面，的木屋區，當年小巴路線牌都係寫住青山道，九龍仔...

友明兄講起九龍仔嗰名令人混亂呢單嘢，相信祇有揾歷史學家先至搞得惦。

根據 rqrj 兄响佢 page 11 #326 嘅料話，天主堂早於 1952 年開壇。呢幾日得閒摷到我响 1957 年張領洗紙 (見附圖)，寫明叫九龍仔聖伯多祿堂。

由此推理，嗰一帶，包括後期之朱牯仔、大坑東、大坑西，應叫九龍仔才對。

既然培立小學與天主堂相距只有一箭之地，何以我早前响 Page 24 - Post #711附上之培立手册又會叫自己响九龍塘村呢？究竟培立小學起先抑或天主堂起先呢？又或者嗰一帶乃大九龍塘村 (Greater Kowloon Tong Village)，而九龍仔只是後期人口多咗，為咗分野清晰啲，之後才叫九龍仔。其實九龍仔仍屬於九龍塘村範圍至啱。

至於九龍塘乃九龍塘村演變而來。若用陰謀論來看，我哋可能俾港英當局階級歧視咗都未定。想將我哋呢啲賤民分開，以免影衰啲上等人。所以後期索性將之一分為二，仔還仔，塘還塘。

小弟可能過於武斷，亦可能係野人獻曝。各位兄台可能對此早已討論過，並已有定討論，之不過我新嚟唔知埞而已。

若然我之推理成立，那麽各位曾居九龍塘村，即九龍仔之兄台與小弟皆曾為九龍塘人，换句話說，我們皆曾為上等人也。

講開又講，呢排唔多見大師兄 kintsun 蒲頭，佢搞緊邊科呢？I miss him very much!

引用:

原帖由 scottiehong 於 2010-10-8 13:10 發表


又係我發揮超強記憶力既時候,
him 兄係又一村讀書既時候,
係唔係有位老師叫 周桂(貴)冰 ?
我仲好記得佢個大寶號
事關呢位周老師對百厭 or 易喊既小朋友無乜耐性,
印象中, 比佢捉過入黑房, 不過又無喊喎

...

咁我又唔記得, 除了幼稚園, 2 & 3 年班我都係讀又一村, 我印象最深就係 2 個老師小息時同 d 學生爭乒乓波檯
又無理沒收我個靚靚筆盒, 收理 d 智商有問題同爆力傾向既學生 (我並不是歧視, 但真係有危險)
寶安又係, 有一年 3 班 5 年級要縮為 2 班 6 年級, 一係就轉去天台學校, 一係留班
我就同另一個同學留班, 咁細路要留班就當然唔開心啦
佢老味, 姓馬個 Miss, 仲要罵我, 但就不停安慰另一同學, 大佬, 我讀書唔叻, 但平時都乖乖咁絕不生事,
妳唔安慰我無所謂, 但點解仲要落井下石
另外姓蘇個 sir 又係, 我舉手答問題佢居然話 : 你平時成績都唔好, 學乜人舉手呀

學校對黑學生又視而不理, 我地呢 d 善類就當災, 靠學校 ? 結果咪又係要自己做野

[ 本帖最後由 him4466 於 2010-10-11 11:05 編輯 ]

琴日返老媽子度食飯, 打算搵下舊料,
真係失望, 以前d舊野比老媽子丟棄了

不過係食飯既時候, 同老媽子提起大同冰室,
老媽子話呢間 cheap 野, 唔好提, 事關老媽對西茶無乜興趣,
原來以前老媽子帶我地幾個百厭星去又一村飲茶,
唔講真係唔知, 又一村上面有間露天茶座, 係飲中茶,
呢間野有個特色, 就係包點拼盤,
一個大蒸籠, 有齊晒差燒包, 奶皇包, 雞包....
仲話大件夾抵食.

問起家姐, 仲記唔記得巫山園,
家姐仲有印象, 話水準不過不失
知呢間野已經好耐.

引用:

原帖由 mtpen 於 2010-10-9 15:11 發表


Hong兄所見之小農社會特有現象，就讓小弟嘗試拆解此迷團。

早期香港一般父母，唔會俾個女讀咁多書，除咗因個女會外嫁，驚死第日益男家外，個女冇讀書自然蠢蠢哋，唔識得 reasoning ...

睇完筆兄呢篇回覆, 好有 陶傑風格呢

話時話, 中國人真係幾有奴性
平時可能無乜野, 係特別環境之下,
奴才性格盡現, 呢d可能就係陶生所講既小農dna

引用:

原帖由 him4466 於 2010-10-11 11:02 發表

咁我又唔記得, 除了幼稚園, 2 & 3 年班我都係讀又一村, 我印象最深就係 2 個老師小息時同 d 學生爭乒乓波檯
又無理沒收我個靚靚筆盒, 收理 d 智商有問題同爆力傾向既學生 (我並不是歧視, 但真係有危險)
寶安又係 ...

年羹堯 貼在書房的對聯 - 誤人子弟，男盜女娼。

引用:

原帖由 scottiehong 於 2010-10-11 15:34 發表


睇完筆兄呢篇回覆, 好有 陶傑風格呢

話時話, 中國人真係幾有奴性
平時可能無乜野, 係特別環境之下,
奴才性格盡現, 呢d可能就係陶生所講既小農dna

是一向好有 陶傑風格。

引用:

原帖由 suewong 於 2010-10-9 22:10 發表


其實居民通常是董事的公司的員工，所以港英時代，已有官商勾結。

話無官商勾結, 打死都唔信
睇返當年呢單野, 港英政府手段又高,
真係要寫個服字.

美其名就改善生活, 基層市民可以上樓
(有關係人士才可以租住紳士樓)
低價批地, 起員工宿舍
又可以插旗落九龍仔, 做足幾十年獨市生意(保險箱)
計一計時間, 就算而家話要拆樓, 都收足五十年租,
呢d生意, 仲可以去邊度搵 ?!

唔怪之得, 東亞李家可以係香港榮顯五代

講返轉頭, 呢單野最小都可以一舉四得

1.港英政府唔駛出錢
2.商人又可以低價買地起員工宿舍
3.自己既員工, 又可以幫襯自己既銀號,
又係入返自己個袋
4.紳士樓既第一代有安身之所,
第二/三代可以有機會各上爬,
進身中產, 甚至富裕階層


起一條邨, 原來包含百年大計, 真係絕

引用:

原帖由 suewong 於 2010-10-11 15:40 發表

是一向好有 陶傑風格。  

拍馬都追唔到香江第一才子喇！

祇不過得鬼閒冇嘢做响度發吓嗡風咁啫。

真�謘A多的啲寫作，可防止老人痴呆�謘A而且啲作家一般都長命啲！

引用:

原帖由 scottiehong 於 2010-10-11 16:00 發表


話無官商勾結, 打死都唔信 ...

好嘢！分析一流，我信！

引用:

原帖由 scottiehong 於 2010-10-11 16:00 發表


話無官商勾結, 打死都唔信
睇返當年呢單野, 港英政府手段又高,
真係要寫個服字.

美其名就改善生活, 基層市民可以上樓
(有關係人士才可以租住紳士樓)
低價批地, 起員工宿舍
又可以插旗落九龍仔, 做足幾十 ...

家人眼見港英時官商勾結, 1 個例子是港燈加電費。港英反對，因影響民生。結果平價批地給港燈，擺平。

係咪我天真，以前官商勾結, 都會把小市民 interest take into consideration. 點解到而家中國人當家作主？!

引用:

原帖由 suewong 於 2010-10-11 16:32 發表




家人眼見港英時官商勾結, 1 個例子是港燈加電費。港英反對，因影響民生。結果平價批地給港燈，擺平。

係咪我天真，以前官商勾結, 都會把小市民 interest take into consideration. 點解到而家中國人當家 ...

而家既財主佬食得太盡,
賺盡一分一毫.
凸駒正苦又唔夠牙力.

無計

引用:

原帖由 mtpen 於 2010-10-11 16:22 發表


好嘢！分析一流，我信！

筆兄, 小弟都係隨口 up 下,

睇返呢單野, 學到英國佬果種長遠管治藝術
50年後既今日, 仲要佩服得五體投地

引用:

原帖由 scottiehong 於 2010-10-11 16:48 發表

...學到英國佬果種長遠管治藝術,50年後既今日, 仲要佩服得五體投地

英國佬性格陰沉，做起事來深謀遠慮，難聽啲叫老謀深算。亦如 Hong 兄所說，管冶藝術出神入化，時而恩威並著，時而誘之以利，當馬騮咁管。


舉個例好似居屋咁，鬼子佬留低嘅好嘢，俾佢搞喎哂，人家走嘅時候又冇虚心請教吓人哋，剩係識得叫人快啲走。人哋假假地都曾是老牌帝國，對殖民地管治，自有一手，更非我哋聲稱有數千年文化嘅未來超級強國子民所能理解者也。

人家殖民無數，明白何謂懷柔政策，更知道勉強無幸福。佢哋明知當你哋享受咗房屋福利慳咗錢再加上勤力，必然會富起來。夾硬嚟�{你走徒增反感。但知你能力又暫時未可買私樓。

咁點呢？於是乎創出居屋呢個「時代產物」嚟利誘你交番間公屋出嚟。而你哋又好自願嘅噃！因為你可威俾鄉親父老，隔離鄰舍知，我係富户嚟�謘A我有本事買居屋喇！咁使鬼要趕你走咁乞人憎啫，係冇？

可惜啲刁民俾地產佬騎劫兼洗咗腦，夾埋拋一拋此弱勢政府，立即方寸大亂，停建居屋。�M家？亞水肯拎番間公屋出嚟呀？冇喱jetso！  

唉！俾啲心機學吓人哋冶國嘅精髓啦，明日嘅超級強國！人哋個個唔郁停哂响度等你超前嘅！大話講得多連自己都信埋，可憐！

引用:

原帖由 mtpen 於 2010-10-11 18:38 發表


英國佬性格陰沉，做起事來深謀遠慮，難聽�囓s老謀深算。亦如 Hong 兄所說，管冶藝術出神入化，時而恩威並著，時而誘之以利，當馬騮咁管。


舉個例好似居屋咁，鬼子佬留低�鵀n�� ...

亞水肯拎番間公屋出�薛r？冇喱

100% agree...

希望你地唔可話我仇政府 .

因為飯票的 involvement, 加上自己對政府資助置業的論題有興趣 --- 回歸後，3 年上樓既只是新移民 / 綜援人士，所以公屋居民既 profile 大為改變。而且香港 social mobility 越來越低，有研究，公屋居民有能力買居屋，是回歸前。現在，頗受質疑。

今時今日，居屋應該 aim at 普羅大眾。因為香港人 (甚至大學畢業數年)，無父蔭， 已經買不起私樓了。

引用:

原帖由 suewong 於 2010-10-11 02:08 PM 發表


今時今日，居屋應該 aim at 普羅大眾。因為香港人 (甚至大學畢業數年)，無父蔭， 已經買不起私樓了。

何已見得？FreshGraduate 的醫生是月薪港幣5萬5千元，香港大學、香港中文大學畢業生的平均月薪仍然是月薪港幣2萬元以上。做人要發奮，失敗就要自我檢討及發奮圖強，總是找借口為自己的錯失貼金，怎會成功？！

引用:

原帖由 hkgalbert 於 2010-10-11 22:55 發表


何已見得？FreshGraduate 的醫生是月薪港幣5萬5千元，香港大學、香港中文大學畢業生的平均月薪仍然是月薪港幣2萬元以上。做人要發奮，失敗就要自我檢討及發奮圖強，總是找借口為自己的錯失貼金，怎會成功？！:wo ...

Ah Sue 在大學任教，負責學生的 placement. 所以好知市價。

因為有  醫生，護士，i-bank, 銀行界 (尤其是i-bank) ，拉高平均月薪。FreshGraduate 如果有 萬多元，已是筍工。 好像工程生，要奔波中港，月薪都是 1 萬。而且因為工時長，需要進修，根本不可能兼職。

之前在論壇提及，有舊同事 ( 70 後)，04年對我呻，2 夫婦月入4 萬多，標準中產，供樓雜費萬多2 萬元，雙方父母 1 萬。餘下 萬多元，2 夫婦使用 (交通, 衣著，食用，朋友人情，交稅)，捉襟見肘。

03 - 10 年，多數舊同事 (全是合約)，7 年內，薪酬加了 $3000。坐直昇機升職的，全是子弟兵/ 出賣 自己的女士。  

作為 60 / 70 後，Ah Sue 好 lau 年輕人唔長進，但要承認，他們的機會 / socail mobility 確比前人低。

p.s. 80 年代後期，工程畢業 2 /3 年，已有房津，d 師兄結婚，太太可以做家庭主婦。



[ 本帖最後由 suewong 於 2010-10-12 23:49 編輯 ]

引用:

原帖由 hkgalbert 於 2010-10-11 22:55 發表

做人要發奮，失敗就要自我檢討及發奮圖強，總是找借口為自己的錯失貼金，怎會成功？！: ...

我唔否認黃小妹所講現今仍好有多後生仔女揾食艱難，但我絕對同意 Albert兄所講，佢哋應自我檢討一吓。

從來揾食都係艱難，叫佢哋可否學吓 Albert 兄後生時咁捱法及放下身段？身為老師丈夫，即師公，日間斯斯文文做會計員，為咗賺多個錢，晚上居然去做猪肉佬，捱到似人乾。

我無兒無女，比 Albert 兄幸運，但後生時一樣捱過。1981年結婚時積蓄有限，惟女家所謂父母並不諒解，將預來買樓之錢，响啲環頭環尾爛鬼茶樓擺酒用哂。當然更冇錢渡乜鬼蜜月喇！响北角租人間房仔住。

但我俩不甘心，死慳死抵再儲首期。老妻條衭穿咗，都係去街邊揾人補番就算。有日佢喊住同我講，响厠所個鏡反射睇到個同事用好藐視眼光��吓佢條衭，陰陰咀笑。  

我返工成日着住結婚嗰套黑色單釣西，有日同事大大聲當眾玩我：「乜你成日都着呢套西裝嘅？」。我惟有自嘲咁答：「係呀！好嘢嚟�謘I結婚又得，返工又得，連去送殯都得！」。

比起�M家啲後生仔女，點只衫衭日日新呀，成萬蚊個手袋用一季，話 out 劈咗佢，手機如是，鞋如是。响街上上網傾電話好似唔使錢咁。未富先嬌，有乜辦法唔窮吖？正一打跛嚟醫！

引用:

原帖由 mtpen 於 2010-10-11 18:38 發表


英國佬性格陰沉，做起事來深謀遠慮，難聽啲叫老謀深算。亦如 Hong 兄所說，管冶藝術出神入化，時而恩威並著，時而誘之以利，當馬騮咁管。


舉個例好似居屋咁，鬼子佬留低嘅好嘢 ...

所以話呢, 薑越老越辣, 酒越舊越醇
筆兄, 你睇通晒中國人既脾性,
要威, 貪便宜...中國人之特性也,
唔怪之得比英國佬玩到團團轉, 真係抵死

引用:

原帖由 mtpen 於 2010-10-12 15:52 發表


我唔否認黃小妹所講現今仍好有多後生仔女揾食艱難，但我絕對同意 Albert兄所講，佢哋應自我檢討一吓。

從來揾食都係艱難，叫佢哋可否學吓 Albert 兄後生時咁捱法 ...

比起�M家啲後生仔女，點只衫衭日日新呀，成萬蚊個手袋用一季，話 out 劈咗佢，手機如是，鞋如是。响街上上網傾電話好似唔使錢咁。未富先嬌，有乜辦法唔窮吖？正一打跛嚟醫！

好多後生仔女既現實生活就係甘,
更甚者, 年紀輕輕就一身惡習, 又煙又酒
無眼睇