層樓終於成交左，但竟然連信箱鎖匙都未俾，都唔知做乜．．．  

開始要諗裝修，唉．．．煩惱既開始．．．．

入黎恭喜貓仔同貓女先！　

引用:

原帖由 HJ2127_ATR1 於 2007-5-29 05:26 發表
入黎恭喜貓仔同貓女先！　

多謝晒~~

近來忙到癲左咁，又要諗婚禮用乜野歌，仲要搞埋裝修ｄ野，仲要未搞掂呀~~

繼續忙到嘔．．．不過見間新屋裝修得唔錯，又幾開心∼

引用:

原帖由 貓女 於 2007-7-5 15:03 發表
繼續忙到嘔．．．不過見間新屋裝修得唔錯，又幾開心∼

終於都換過晒地板

有無相參觀吓呀?

引用:

原帖由 messenger 於 2007-7-5 12:02 發表


終於都換過晒地板

有無相參觀吓呀?

等裝修好晒先影ｄ相俾你睇下啦~~

引用:

原帖由 貓女 於 2007-7-5 21:51 發表

等裝修好晒先影ｄ相俾你睇下啦~~

咁近...不如我上去參觀下，可以嗎?

引用:

原帖由 messenger 於 2007-7-5 15:34 發表


咁近...不如我上去參觀下，可以嗎?

我間屋好’屈則’，實在有點失禮．．．

發覺真係痴痴地架，買到個合心水既廁紙架都好開心~~

好開心，酒席落左訂lu~~ 開始倒數梗~~

買傢俬電器用左好多錢，好肉痛呀~~~ 就黎要捱麵包啦~

引用:

原帖由 貓女 於 2007-7-23 02:52 PM 發表
買傢俬電器用左好多錢，好肉痛呀~~~ 就黎要捱麵包啦~

咸漁白菜也好好味....
原來你喜事近, 真係恭喜恭喜

引用:

原帖由 mnywong 於 2007-7-23 07:15 發表

咸漁白菜也好好味....
原來你喜事近, 真係恭喜恭喜

多謝晒~ 係呀，好近好近，好似乜都唔夠時間做咁．．．

差不多進入倒數, 但公事同私事同樣繁重, 令我異常煩燥, 唉.... 快d搞掂晒所有野就好~~

今日去金鐘低座搞擬結婚登記,真係一肚氣!!!!!!

話說我早到，即刻仆去到２０號窗，當時有一名男職員為一個男人搞梗手續，個男人一搞掂我立即話：XX號到左，佢就叫我等陣．我坐係對住20號窗既椅上面等．（其後冇再見過呢位男職員）２０號窗當時一路係冇人.  後來有一ｐａｉｒ外國人到左，立即有一名好似高級既女職員即刻行黎問佢乜野事，攪左一輪，又有幾個人黎左，我當然立即走埋去問：XX號黎左，幾時到我架?  佢望下紀錄，竟然話：我地叫過你no, 係你聽唔到咋喎!!! 唔係麻，叫過我，有冇攪錯呀？　我寸步冇行開過自己個位，對住你地幾個counter，唇語呀家陣?? 個女職員仲死口話：有叫過你係你聽唔到，不過你book o個段時間都係一點至一點半架啦∼∼　仲要咁樣講風涼說話！！！　不知所謂，跟住咪又叫我等話下一pair到我，後來等左兩pair先到我(都等左幾個字．．．），好彩係另一名男職員跟，見到o個個女職員就巴火!!   講大話唔斬眼仲屈係我聽唔到，貓仔叫我投訴，我話：呢ｄ人等雷劈!! 　講大話，哼!!

同ｄ朋友呻, 佢地都不約而同咁話：政府ｄ人係咁架啦!! 大佬，交稅養埋ｄ咁既人，諗起都扯火~　好心佢地檢討下啦~

[ 本帖最後由 貓女 於 2007-8-2 08:30 編輯 ]

好開心，昨日行開尖沙咀，走入婚紗舖問下我ｄ相得未，其實佢地未通知我去取，我只係撞下彩，點知有啦，好surprise, 點知相簿有少少問題俾我地發現左，要師傅再整，而隻photo CD就取走，都幾滿意，成日會睇完又睇，hehehehe~~~

引用:

原帖由 貓女 於 2007-8-5 21:50 發表
好開心，昨日行開尖沙咀，走入婚紗舖問下我ｄ相得未，其實佢地未通知我去取，我只係撞下彩，點知有啦，好surprise, 點知相簿有少少問題俾我地發現左，要師傅再整，而隻photo CD就取走，都幾滿意，成日會睇完又睇， ...

恭喜嗮...又一对有情人的结合

仲有56日!!!

引用:

原帖由 messenger 於 2007-8-10 16:34 發表
仲有56日!!!

有壓力....有壓力.....

又病啦~~ 都好，多點時間搞rundown~~

連信差兄都俾人ｂａｎ埋？？？？

引用:

原帖由 貓女 於 2007-8-14 18:33 發表
連信差兄都俾人ｂａｎ埋？？？？

我還健在

仲有50日!!!