引用:

原帖由 不平凡人 於 2007-1-3 10:35 AM 發表

但係韋陀唔係教主~~~佢只係龍虎門一個2打6~~~比人吸功..好easy~~

佢並唔係一個2打6!
佢係一個有教主級功力的2打6!!

引用:

原帖由 KING546 於 2007-1-3 04:31 AM 發表

佢並唔係一個2打6!
佢係一個有教主級功力的2打6!!

只要係龍虎門既人,練咩武功都唔會勁!

大家睇風雷就知道~

引用:

原帖由 亞佳佳 於 2007-1-3 12:43 PM 發表



只要係龍虎門既人,練咩武功都唔會勁!

大家睇風雷就知道~

呢個情形新舊龍都一樣。舊龍時期還在羅殺白蓮時代，九陽易筋是頂級內功，但兩教冚包散後，小虎以"不明不白"的九陽頂峰既狀態去到泰國通天教，立刻被兩個2打6既通天雙鱷打到隻狗咁。雖然話要照顧住一位女孩至未能全力發揮，但我當時睇到眼火爆，九陽喎!! 頂，點會比兩條蛋散打到咁?????

引用:

原帖由 KING546 於 2007-1-3 10:10 AM 發表

但係去到九章咁高級都咁易俾人給功,好似又講唔通.即係等如聖上,邪神,蚩尤依d級數o既高手,
應該無乜可能會俾人吸功.

教主級人物被吸功都冇咩特別。舊龍先後有邪神&假聖上都領過野。

引用:

原帖由 亞佳佳 於 2007-1-3 04:43 AM 發表



只要係龍虎門既人,練咩武功都唔會勁!

大家睇風雷就知道~

我好記得以前有一期叫"移花接木 智破吸星" 不過唔記得內容咯!

引用:

原帖由 gregoryliu 於 2007-1-3 03:13 PM 發表
我好記得以前有一期叫"移花接木 智破吸星" 不過唔記得內容咯!

記憶中有一期係講小虎用碌木引蜂皇去吸功.
當蜂皇捉錯碌本時就砌低佢.
不過唔肯定係咪O個期....

轉貼自「香港討論區」嗚謝: phantom666 兄

今期劇情:
黑龍原諒鐵心, 但黑龍仍要被軟禁係通天教,
黑龍承諾唔俾痳煩通天教,
小龍,小虎,飛妖見白無涯,但白無涯一聽到通天教即拒絕協助
小龍氣極離開, 係門口見到痴尤, 痴尤同三人過左幾招,
小龍and痴尤均未盡全力, 小龍覺得可與痴尤一拼,
痴尤要見白無涯, 但被白樂天,白愁眉拒絕, 最終白無涯接見痴尤,
痴尤希望白無涯聯手對付通天, 但白無涯仍然拒絕,
二人不合, 痴尤發難, 白無涯問痴尤能否打贏佢ge伏羲問天錄
最後黑龍現身泰國水上巿場

引用:

原帖由 a1771550 於 2007-1-2 07:35 PM 發表


講開韋陀，我唸D編劇都唔記得佢咯，因為上(前?)期小虎心忖給洪東upgrad左既風雷係龍記中功力最高，但應該仲有個教主級韋陀啊! 成班龍記班友都唔記得仲有韋陀這個兄弟了...

唔好以為韋陀好勁
0係第2xx期(韋陀打完銀鷹之後), 老黃話韋陀雖然有第9章, 但係同金欏柚仲有一段距離

引用:

原帖由 喜歡足球 於 2007-1-3 10:30 PM 發表
轉貼自「香港討論區」嗚謝: phantom666 兄

今期劇情:
黑龍原諒鐵心, 但黑龍仍要被軟禁係通天教,
黑龍承諾唔俾痳煩通天教,
小龍,小虎,飛妖見白無涯,但白無涯一聽到通天教即拒絕協助
小龍氣極離開, 係門口見 ...

嘩! 當日邪神初會蚩尤時兩人比試，邪神都要用黑級(如不是黑級，請指正)。而家小龍話自己同蚩尤有得打，以此推論，小龍豈非有信心自己功力已接近黑級???? 九陰7章雖可一掌(其實是先後發了兩次勁)斷橋，但理應同黑級還有一段距離掛? 若說小龍目前是九陰八章那還算較合理。

小弟當然希望龍哥有咁威得咁威，但唔係希望見到小龍突然間無端端變左教主級人物，而是應按劇情發展咁進步。
________________________________________________________
呢鑊係自己插自己: 上述有誤...

我唸好多位仁兄好似小弟咁有個錯覺: 九陰同九陽易筋金鐘九霄等係同級內功，但新龍好似從來冇講過類似的話喎! 九陽易筋有副老黃自創既對聯，以示同級: "九陽神功驚俗世，君臨天下易筋經"，而老少邪既黑級亦先後會過聖上既頂級九陽。九霄同易筋頂級之戰亦由張三丰及一位少林方丈打過，做過印證。金鐘與易筋同為少林頂級神功。但....但九陰真經既真正威力從未得以展示過，僅有創功者功成升仙既傳說而已。

所以小龍可以認為以九陰7章足可與蚩尤一戰，編劇大哥亦無妨將九陰7章視為接近黑級的功力，因為九陰真經既真正實力其實一直係個謎。

[ 本帖最後由 a1771550 於 2007-1-4 08:27 AM 編輯 ]

引用:

原帖由 風中之神 於 2007-1-4 04:33 AM 發表

小虎的意思並非指風雷是龍虎門中功力最高，正確來說是沒有第一也有第二，當時他是這麼想：『風雷功力之高，已是我們中數一數二，再得洪前輩指導，那更不得了，我也須努力多加把勁！』從小虎的想法看來，我想韋陀 ...

但除了個次烈火祖師派兩件蛋散夜襲龍記正館時，王飛鷹要韋陀照顧正館女眷外，龍記班友真係好似冇咩提過韋陀。白蓮登基戰役無佢，而家去到人生地不熟既泰國更唔搵韋陀呢D功力高強既兄弟拍住上，真係唔合常理喎!!

唔通九霄九章既韋陀既唯一功用就係坐鎮正館，天天"照顧"班女眷?????

[ 本帖最後由 a1771550 於 2007-1-4 06:50 AM 編輯 ]

引用:

原帖由 stanley09 於 2007-1-4 12:14 AM 發表


唔好以為韋陀好勁
0係第2xx期(韋陀打完銀鷹之後), 老黃話韋陀雖然有第9章, 但係同金欏柚仲有一段距離

咁老黃即係咩意思? 又係風雷個種體格功力成正比既理論???? 記得介紹九霄真經時，張三丰大戰身負黑級功力既少林方丈，足足打左三日三夜，最後個方丈認為九霄唔及黑級(若有記錯請指正)，但黑級也打唔低九霄(聽落有D矛盾)。個時既張三丰身型絕對冇金羅漢咁大件喎!!....反而個方丈就有D發福咁款...

老黃應該講韋陀既9章係初學乍練，火候未夠，甚至可說韋陀既9章係"迫"出黎的，唔係按步就班練成，威力自然差D等等諸如此類的理由，咁就較合理，而唔係擘頭就講9章既韋陀連10關既金欏柚都比唔上呢D咁武斷既評論。

[ 本帖最後由 a1771550 於 2007-1-4 06:59 AM 編輯 ]

新龍80幾期左右曾提及九霄九章比八章強三倍,而銀鷹的八章比邪神的
藍級還有所不及,而韋陀只是到達九章初階,如果當佢強過八章少少的話,
o甘韋陀頂多是有白級初至中段,應該未有教主級數,所以龍記班老作應
該不是因他太強而雪佢,只是人太多唔識處理o者!

引用:

原帖由 kit_yin 於 2007-1-4 11:26 AM 發表
新龍80幾期左右曾提及九霄九章比八章強三倍,而銀鷹的八章比邪神的
藍級還有所不及,而韋陀只是到達九章初階,如果當佢強過八章少少的話,
o甘韋陀頂多是有白級初至中段,應該未有教主級數,所以龍記班老作應
該不是 ...

印象中當日韋陀給迫上九章初階，打巢銀鷹時個種氣勢，唔多似九章初階只係強八章"少少"咁喎....而且他冇浦頭已有一段很長的日子(實際時間已有兩年)，功力應不止當日的初階掛?

另外，yin兄既"八章比邪神的藍級還有所不及"是如何推斷的?

[ 本帖最後由 a1771550 於 2007-1-4 12:46 PM 編輯 ]

當日銅獅要同銀鷹比試,跟住邪神就要佢地一齊同佢鬥內力,退得多d果個就輸,
邪神初先只以藍級同佢地鬥,但佢地兩個都迫唔開邪神,照o甘睇銀鷹的八章應
該比不上邪神的藍級......我諗

睇今期
蚩尤都係勁小龍少少 都未可以壓倒性咁贏
睇黎佢功力同金羅漢差唔多 話唔埋仲衰過金羅漢tim....
一個門主實力只有金羅漢程度ge門派就可以搞到通天教一頭煙
通天教班友搞乜ar?
金羅漢成日想做反 自己做教主 不如去泰國發展la
o係泰國佢絕對夠班做一教之主

引用:

原帖由 kincs 於 2007-1-4 03:10 PM 發表
睇今期
蚩尤都係勁小龍少少 都未可以壓倒性咁贏
睇黎佢功力同金羅漢差唔多 話唔埋仲衰過金羅漢tim....
一個門主實力只有金羅漢程度ge門派就可以搞到通天教一頭煙
通天教班友搞乜ar?
金羅漢成日想做反  ...

淨係上期講通天教廿年前因不擅水戰所以攻唔陷元始門都搞笑o拉,
80年代仲用木帆船,舊龍果時都用快艇,遊艇o拉,仲有大炮添

我未睇今期呀，因為今次出書好似比以往遲左少少，成兩點多都未見到報攤有得賣呢。  

乜蚩尤都只係勁過小龍少少咋？ 假以時日小龍提昇至九陰 8 章的話，咪可以好 easy 咁打低蚩尤囉 ？甚至可以同邪神，無敵佢地過 50 招而不敗？

引用:

原帖由 kit_yin 於 2007-1-4 03:20 PM 發表



淨係上期講通天教廿年前因不擅水戰所以攻唔陷元始門都搞笑o拉,
80年代仲用木帆船,舊龍果時都用快艇,遊艇o拉,仲有大炮添

老黃而家都唔多理本龍虎門
lee d細位佢邊會留意....

引用:

原帖由 天下無敵老祖宗 於 2007-1-4 03:29 PM 發表
我未睇今期呀，因為今次出書好似比以往遲左少少，成兩點多都未見到報攤有得賣呢。  

乜蚩尤都只係勁過小龍少少咋？ 假以時日小龍提昇至九陰 8 章的話，咪可以好 easy 咁打低蚩尤囉 ？甚至可以同邪神，無敵佢 ...

小龍仲話打落去佢未必會輸........

仲有原來新著廣法堂都唔勁得去邊
樂天同愁眉比蚩尤一隻手就打到一仆一碌

引用:

原帖由 kit_yin 於 2007-1-4 12:49 PM 發表
當日銅獅要同銀鷹比試,跟住邪神就要佢地一齊同佢鬥內力,退得多d果個就輸,
邪神初先只以藍級同佢地鬥,但佢地兩個都迫唔開邪神,照o甘睇銀鷹的八章應
該比不上邪神的藍級......我諗

邪神後尾唔係用白級震開佢地咩? 原來只用藍級? 如果只用藍級就震開兩人，咁九霄八章就真係唔及藍級咯...八章真係好屎...

引用:

原帖由 a1771550 於 2007-1-4 06:48 AM 發表


咁老黃即係咩意思? 又係風雷個種體格功力成正比既理論???? 記得介紹九霄真經時，張三丰大戰身負黑級功力既少林方丈，足足打左三日三夜，最後個方丈認為九霄唔及黑級(若有記錯請指正)，但黑級也打唔低九霄(聽落 ...

好似係打o左3招：第一招風雲色變、第二招山崩地裂、第三招...不分勝負，但張三豐下跪•••係向佢師父火工頭陀行禮！好似係o甘！